LEXO PA REKLAMA!

SHKARKO APP

Klubi francez i bën prezantim madhështor Skukës, i jep dhe numrin e rëndësishëm në fanellë

23 Janar 2023, 23:39, Sport CNA
Klubi francez i bën prezantim madhështor Skukës, i jep dhe numrin

Klube nga Seria A ishin të interesuar që në ditët e para të janarit për dibranin, Xhuljano Skuka, por ishte një franceze, që ia mori zemrën sulmuesit, si dhe bindi Partizanin për ta lënë të lirë. Klubi i Metzit, që luan në Ligën e Dytë në Francë, ka ofruar plot 1 milionë euro për 24- vjeçarin, plus 10% të kartonit në rast rishitjeje.

Ky propozim rezultoi të ishte i parefuzueshëm nga “demat”, të cilët e pranuan dhe ditën e djeshme i dhanë letrat Skukës, që sot do të kryejë vizitat mjekësore si lojtari më i ri i Metzit.

Kjo zgjedhje pa dyshim është ndikuar edhe nga fakti që dibrani ka jetuar disa vite në Francë, ka pasaportën e këtij vendi dhe e flet shumë mirë frëngjishten. Metzi synon ngjitjen në elitë në sezonin e ardhshëm.

Sulmuesi dibran është prezantuar ditën e sotme në klubin e ri, teksa do të mbajë mbi shpinë fanellën me numrin 11.

“Xhuliano Skuka në terren të njohur”, ka shkruar Metz në videon e prezantimit. Kujtojmë që sulmuesi shqiptar në të kaluarën ka qenë pjesë e akademisë së Metz.

 
 
 
 
 
View this post on Instagram
 
 
 
 
 
 
 
 
 
 
 

A post shared by FC Metz (@fcmetz)

 
 
 

Lajmet e fundit nga