web counter
LEXO PA REKLAMA!

SHKARKO APP

App Store
Google Play

Katari shtrin ‘kthetrat’ edhe në Portugali, blen 21.67% të aksioneve te Sporting Braga

10 Tetor 2022, 11:04, Sport CNA

Disa vite më parë u spekulua për mundësinë që fondi i pasurisë të Katarit, nëpërmjet fondit të tij të investimeve, të blinte një klub futbolli ose një pjesë të tij. Pavarësisht se të gjithë sytë ishin te Premier League, më në fund është zyrtarizuar marrëveshja për një klub në Portugali, bëhet fjalë për Sporting Braga.

“Qatar Sports Investments (QSI), grupi i investimeve që qëndron pas një numri të markave dhe bizneseve kryesore sportive në botë, ka njoftuar nënshkrimin e një marrëveshjeje për blerjen e aksioneve me Olivedesportos, SGPS, SA në lidhje me blerjen e QSI të 21.67% të kapitalit aksionar në Sporting Clube de Braga - Futebol, SAD (SC Braga), një nga klubet kryesore të futbollit në Portugali",- thuhet në deklaratë.

Katari në këtë mënyrë vazhdon zgjerimin në botën e sportit, pas angazhimit të tij të vendosur te PSG-ja, e cila ka rritur vlerën e saj në treg në mënyrë eksponenciale, që kur Katari e bëri pronë, deri në hyrjen në ‘Top 10’-shen e klubeve më të vlefshëm në botë. 

"Qatar Sports Investments është krenare që investon në kompanitë dhe markat kryesore sportive në mbarë botën, duke u mundësuar atyre të arrijnë potencialin e tyre të plotë. Portugalia është një vend i themeluar mbi futbollin, me disa nga tifozët më të pasionuar dhe një nga sistemet më të mira të talenteve. SC Braga është një institucion portugez shembullor, me një histori pa të meta, ambicie të jashtëzakonshme dhe një reputacion për përsosmëri brenda dhe jashtë fushës”,- tha Al Khelaifi.

"Përvoja e jashtëzakonshme globale e Katar Sports Investments, njohuritë dhe historia e rezultateve të mahnitshme në sport dhe biznes do të sjellë vlerë të jashtëzakonshme dhe do të na ndihmojë të realizojmë planet tona ambicioze. Është një ditë e mrekullueshme për klubin tonë, tifozët tanë dhe qytetin tonë." ne presim shumë suksese të ardhshme për SC Braga”,- tha presidenti i klubit Antonio Salvador.





Lajmet e fundit nga