web counter
LEXO PA REKLAMA!

SHKARKO APP

App Store
Google Play

Kartoni blu në futboll? Infantino zbulon vendimin e FIFA-s

2 Mars 2024, 15:07, Sport CNA

Prej kohësh, diskutohet mundësia për futjen e kartonit blu në futboll, që do të largonte nga fusha një lojtar për pak minuta, për ta rikthyer sërish më pas. Megjithatë, kjo hipotezë është hedhur poshtë, nga presidenti i FIFA-s, Gianni Infantino.

"Dua të jem i qartë, nuk do të ketë kartona blu në nivelin elitar. Ky është një argument që nuk egziston për ne, FIFA është absolutisht kundër kartonit blu”.

Infantino ndërhyri edhe në lidhje me një tjetër argument, atë të zëvendësimeve të përkohshme për lojtarët që pësojnë tronditje cerebrale apo thënë më shqim goditjet në kokë.

“Nuk do të implementojmë zëvendësime të përkohshme për tronditjet cerebrale. Cështja e dëmtimeve në kokë është një argument i rëndësishëm për ne, kemi investuar shumë para, ndaj kemi eksperiencë që nuk e kishim më parë në këtë sektor.

Mjekët thonë se është thjesht e pamundur që të vendosësh brenda pak minutash nëse ka patur një tronditje cerebrale apo se sa e rëndë është ajo. Për këtë arsye, në rast se dyshohet për një tronditje cerebrale, lojtari duhet të zëvendësohet. Nëse do të shqetësohesh për shëndetin e lojtarit, atëherë lojtari duhet të dalë nga loja dhe të hyjë një tjetër në vend të tij, fund i historisë”.





Lajmet e fundit nga