web counter
LEXO PA REKLAMA!

SHKARKO APP

App Store
Google Play

Inter i bën ofertë mesfushorit të Liverpulit

21 Mars 2023, 15:20, Sport CNA

Drejtuesit e Interit kanë nisur të mendojnë për skuadrën e sezonit të ardhshëm, teksa po studiohen profile futbollistësh, të cilëve u përfundon kontrata dhe mund të vijnë me parametra zero.

Kështu prej kohësh ndiqet sulmuesi Marcus Thuram, të cilit zikaltrit i kanë bërë edhe një ofertë zyrtare, për ta marrë nga vera e ardhshme, teksa së fundi ka dalë në skenë një tjetër emër.

Bëhet fjalë për mesfushorin e Liverpulit, Naby Keita, të cilit gjithashtu i skadon kontrata me “the reds” në fund të këtij sezoni. Mesfushori 28-vjeçar nuk ka pranuar rinovimin, pasi nuk është ndier asnjëherë titullar në Liverpul, ndaj po studion mundësinë e transferimit në një tjetër ekip.

Zikaltrit kanë nisur tashmë kontaktet me menaxherët e Keita, për t’u prezantuar ofertën për transferimin në Milano, aty ku e pret një fanellë titullari dhe rol i rëndësishëm në skuadër.

Interi e kërkoi Keitanë edhe në verën e 2018-ës, kur ishte pjesë e Leipzig në Gjermani, por atëherë mesfushori zgjodhi të transferohej te Liverpuli dhe tani duket se mund të jenë kushtet e duhura për t’u bashkuar me zikaltrit në Milano.





Lajmet e fundit nga