web counter
LEXO PA REKLAMA!

SHKARKO APP

App Store
Google Play

E fundit!

x

Gasperini tregon shkallën e dëmtimit të Berat Gjimshitit

25 Prill 2023, 15:04, Sport CNA

Atalanta mposhti mbrëmjen e së hënës Romën me shifrat 3-1 me bergamaskët që tashmë rihapin garën për vendin e katërt të Serisë A, që garanton pjesëmarrjen në Champions League-n e sezonit të ardhshëm. Pjesë e sfidës ishte edhe mbrojtësi i Kombëtares, Berat Gjimshiti.

Por, 30-vjeçari ishte i pafat pasi për shkak të një dëmtimi në gishtin e madh të këmbës u detyrua të zëvendësohej mes dhimbjeve në minutën e 73-të. Gjimshiti u pa në vështirësi pasi u shkel nga Tammy Abraham dhe mund të ketë mbyllur para kohe sezonin, teksa trajneri Gian Piero Gasperini u shpreh pas ndeshjes se duhen pritur analizat për të folur me saktësi.

“Mendoj se Gjimshiti mori një goditje të fortë në gishtin e madh të këmbës. Duhen testet për të provuar nëse bëhet fjalë për thjesht një goditje apo nëse kemi të bëjmë me një thyrje. Në ditët në vijim do ta shohim, por rreziku ekziston”, u shpreh Gasperini.

Ky sezon ka rezultuar me shumë ulje e ngritje për Gjimshitin, pikërisht për shkak të dëmtimeve të cilat nuk e lejuan mbrojtësin të kishte vazhdimësinë e sezoneve të kaluara. Këtë sezon, Gjimshiti është aktivizuar në 17 ndeshje të Serisë A me Atalantën.

Sakaq, testet tek Atalanta do të tregojnë edhe nëse mbrojtësi do të jetë gati për ndeshjet kualifikuese të Shqipërisë në muajin qershor kur kuqezinjtë e Silvinjos presin Moldavinë dhe udhëtojnë në transfertë ndaj Ishujve Faroe.





Lajmet e fundit nga