web counter
LEXO PA REKLAMA!

SHKARKO APP

Futbolli shqiptar në zi, ndahet nga jeta ish-sulmuesi

14 Nëntor 2024, 10:57, Sport CNA

Futbolli shqiptar në zi, ndahet nga jeta ish-sulmuesi


Është ndarë nga jeta në moshën 58-vjeçare ish-futbollisti i njohur, Hekuran Jakupi.

Ish-sulmuesi nuk ia doli të mposhtë dot sëmundjen e rëndë me të cilën luftonte prej kohësh. 

Jakupi mbahet mend si një ndër futbollistët më të mirë të viteve ’90-2000, ku dha kontribut me skuadrën e Elbasanit, Bylisit, Tiranës, Teutës apo Erzenit.

Për këtë ndarje nga jeta ka reagur edhe presidenti i FSHF-së, Armand Duka, i cili shkruan se futbolli shqiptar humbi një njeri pasionant ndaj asaj që jepte në fushë. 

"Me hidhërim të madh mora lajmin e ndarjes nga jeta të Hekuran Jakupit, ish-sulmuesit që bëri mijëra tifozë të festonin golat e tij gjatë kohës që mbronte ngjyrat e skuadrave të ndryshme si Elbasani, Teuta, Tirana, Erzeni dhe Bylisi.

Futbolli shqiptar humbi një njeri pasionant gjatë kohës që luante në fushë. Me të njëjtin pasion ai vijoi të përkushtohej në botën e futbollit, duke punuar në përgatitjen e brezave të rinj si trajner.

Në emrin tim dhe të Federatës Shqiptare të Futbollit u shpreh ngushëllimet e sinqerta familjes, të afërmve dhe miqve të Hekuranit! I përjetshëm qoftë kujtimi i tij!", shkruan Duka. 





Lajmet e fundit nga