web counter
LEXO PA REKLAMA!

SHKARKO APP

App Store
Google Play

Formacioni ndaj Çekisë, balotazh në një pozicion. Si pritet rreshtimi i Shqipërisë

16 Nëntor 2024, 09:20, Sport CNA

Formacioni ndaj Çekisë, balotazh në një pozicion. Si

Kombëtarja shqiptare u ka dhënë dorën e fundit përgatitjeve për ndeshjen ndaj Çekisë, e vlefshme për Ligën e Kombeve.

Trajneri Silvinjo e ka përgatitur ndeshjen në detaje dhe pret një rezultat pozitiv në fushë nga skuadra kuqezi. Ernest Muçi i ka kaluar shqetësimet e ndjera në stërvitje dhe do të jetë i gatshëm për të dhënë kontributin e tij në fushë.

Talenti i dalë nga akademia e Tiranës pritet të jetë në stol, me Silvinjon që duket se ka pak dilema për formacionin titullar. Me Strakoshën që prej kohësh nuk ka konkurrencë në portë, dyshimet janë se kush do të zbres në krahun e djathtë të mbrojtjes.

Ivan Balliu shihet i favorizuar kundrejt Elseid Hysaj, për shkak edhe të minutave më të shumta në këmbë në javët e fundit. Megjithatë dy lojtarët janë në balotazh mes tyre dhe stafi do të vendosë vetëm pak minuta para ndeshjes se cili do të zbresë nga minuta e parë. Ndërkaq, qendra e mbrojtjes pritet të formohet nga Ajeti dhe Ismajli që po kalojnë një formë fantastike. Edhe në të majtë, Mitaj nuk ka konkurrencë. Në mesin e fushës, Asllani, Ramadani dhe Laçi shihen më të avantazhuar për të luajtur nga minuta e parë.

Formacioni ndaj Çekisë, balotazh në një pozicion. Si

Ndërkaq, më i avancuar Bajrami dhe Asani, të cilët do të mbështesin sulmuesin e vetëm, sipas të gjitha gjasave, Indrit Tucin. Ky i fundit e njeh mjaft mirë kundërshtarin, pasi disa prej tyre i ka edhe shokë skuadre te Sparta e Pragës. Formacion i ndikuar edhe nga mungesa të shumta, si Gjimshiti, Kumbulla, Manaj dhe Mirlind Daku, i cili do të jetë i gatshëm për kuqezinjtë vetëm në ndeshjen ndaj Ukrainës.

Shqipëri-Çeki luhet për kreun e renditjes së grupit B1, që momentalisht mbahet nga çekët me 7 pikë, ndërsa kuqezinjtë numërojnë një më pak.

Ashtu siç kanë qenë në të kaluarën, edhe këtë herë pritet të jetë një përballje shumë e luftuar, me Shqipërinë që do të ketë mbështetjen e 22 mijë tifozëve.





Lajmet e fundit nga