web counter
LEXO PA REKLAMA!

SHKARKO APP

App Store
Google Play

Fetai: Ndaj Çekisë duam vetëm fitoren, në Kombëtare pëlqej shumë Asllanin dhe Ramadanin

11 Nëntor 2024, 11:17, Sport CNA
Fetai: Ndaj Çekisë duam vetëm fitoren, në Kombëtare
Feta Fetai

Kombëtarja shqiptare e futbollit nisi këtë të hënë grumbullimin për ndeshjet e nëntorit në Ligën e Kombeve.

Duke folur në konferencën për mediet nga grumbullimi, mesfushori Feta Fetai u shpreh se nëse do të luajë ai do japë maksimumin.

Mendon se do të kesh minuta? – A do të kem minuta nuk di ta them, e di stafi teknik. Nese do të kem, do të jap maksimumin si në stërvitje, si në ndeshje.

Sa i gatshëm je për t’u futur në lojë? – Jam i përgatitur si gjithmonë, edhe për klubin, edhe për Kombëtaren. Jam gati për çdo ndeshje.

Si është marrëdhënia me pjesën tjetër të ekipit? – Nga ana e trajnerit, stafit teknik edhe lojtarët më kanë pritur shumë mirë. Më kanë dhënë besimin e duhur për të dhënë më të mirën. Sa i përket së ardhmes nëse do të jem epiqendra e ekipit, shpresoj të jem një prej tyre.

Grumbullimi i dytë me Kombëtaren, na trego pak emocionet. – Hera e parë është e veçantë, por edhe kjo ka veçantinë e vet. Ndjenjë shumë e mirë, skuadra më ka pritur shumë mirë si herën e parë edhe tani, së bashku me stafin teknik.

Si e shikon të ardhmen tënde brenda Kombëtares? – Ëndrra e çdo fëmije është të luajë me Kombëtaren. Çdokush ka ëndërr të luajë në Europian ose Botëror me Kombëtaren.

Krahasimi me Luka Modriç dhe idhulli shqiptar? – Modriçin e preferoj shumë si lojtar. Sa u përket lojtarëve shqiptarë, ka shumë që i preferoj si Asllani, Ramadani.

Ndaj Çekisë, do të doje të shënoje si Modriç apo të asistoje si ai? – Do të doja të dyja. Rëndësi ka fitorja, nuk ka rëndësi se kush shënon apo asiston.

Shqipëria do të ndeshet më 16 nëntor me Republikën Çeke, teksa më 19 nëntor do të përballet me Ukrainën, të dyja takime që do të luhen në stadiumin “Air Albania”.//CNA





Lajmet e fundit nga