web counter
LEXO PA REKLAMA!

SHKARKO APP

App Store
Google Play

E fundit!

x

Erzeni luan ndeshjen e sezonit, shijakasit nuk fitojnë prej një faze

23 Maj 2023, 11:23, Sport CNA

Erzeni luan ndeshjen e sezonit, shijakasit nuk fitojnë prej një faze

Erzeni është skuadra me rendimentin më negativ në javët e fundit, teksa nuk fiton prej 10 marsit, e që nga ajo kohë kanë marrë vetëm 3 barazime në 9 ndeshje. Shijakasit tani e shohin veten në vendin e tetë të renditjes, ose e thënë ndryshe në zonën e "play out"-it. Erzeni rrezikon fundin e tabelës, pasi ndjen dhe presionin e Bylisit 2 pikë më pak e dy javët e fundit do të jenë përcaktuese, aq më tepër që në ndeshje direkte ballshiotët janë më të favorizuar.

Ndeshja e radhës për Erzenin do të jetë në "Kukës Arena", një finale e vërtetë për ekipin nga Shijaku që sfidon një rival direkt. Verilindorët janë disi më komod, pasi jo vetëm luajnë në shtëpi ndaj një kundërshtari që e kanë mbrapa në renditje, por në takimin e fundit takohen me Egnatian që e ka arritur objektivin e saj e të besuarit e Rraman Hallaçit janë më të sigurt në garën për mbijetesë.

Barazimi mund të mos jetë i mjaftueshëm për Erzenin, ndërkohë që për Kukësin është një rezultat i pranueshëm që e mban në vendin e shtatë, por matematikisht do t'i duhet që të sigurojë evitimin e tri vendeve në fundit në takimin me rrogozhinasit.

Erzeni luan gjithçka për gjithçka, pasi një humbje në Kukës do bënte që në javën e fundit të luante për të shmangur rënien direkte, diçka që e rrezikon jo pak. Pas Kukësit, Erzeni pret Tiranën kryesuese, me shkallën e vështirësisë që sa vjen e rritet.





Lajmet e fundit nga