web counter
LEXO PA REKLAMA!

SHKARKO APP

App Store
Google Play

Elseid Hysaj drejt aventurës së re, do transferohet në një ekip të dorës së dytë

17 Janar 2023, 22:27, Sport CNA

Zv/kapiteni i Kombëtares, Elseid Hysaj, mund të largohet nga Lazio. Mediat italiane shkruajnë me bindje se shkodrani është në prag të mbylljes së bashkëpunimit me klubin lacial.

Këtë sezon në Seria A, mbrojtësi shkodran ka nisur vetëm tre ndeshje si titullar, pikërisht ndaj Cremoneses, Monzës e Sassuolos dhe për këtë motiv mendohet se e ardhmja e tij është larg Olimpicos.

Mediat italiane shkruajnë se 28-vjeçari ka disa oferte nga klube që militojnë jashtë Italisë, edhe pse për momentin nuk përmenden emra konkretë.

Ndërkohë nga ana tjetër, Lazio është e gatshme që të vijojë pa shërbimet e Hysajt, me qëllim që të arkëtojë para për të investuar në merkaton veror, shkruan Shkodra Sport.com.

Hysaj ka shumë ndeshje që e nis si zëvendësues te Lazio, edhe pse në ndeshjen e fundit në kampionat bëri një super paraqitje, shumë të vlerësuar.

Por fakti që nuk është titullar i zakonshëm do e shtyjë të largohet dhe të nis një aventurë të re në një ekip të dorës së dytë sic janë Monza apo Cremonese që kanë qëllim mbijetesën në Serie A.





Lajmet e fundit nga