web counter
LEXO PA REKLAMA!

SHKARKO APP

App Store
Google Play

Edi Rama shpreson te barazimi i Shqipërisë: Hera e parë në jetë që dua të mos fitojë Italia

15 Qershor 2024, 12:23, Sport CNA

Edi Rama shpreson te barazimi i Shqipërisë: Hera e parë në

Kryeminstri i Shqipërisë, Edi Rama, shpreson në një barazim të Shqipërisë ndaj Italisë, në ndeshjen e parë të Europianit.

Edhe pse është tifoz i axurëve, Rama deklaroi për “Tutosport”, se është hera e parë në jetë që dëshiron të mos fitojë Italia.  Sipas tij, Shqipëria nuk ka se çfarë të humbasë, ndërsa theksoi se italianët gjithmonë kanë probleme në fillim të turneut.

“Do të jetë hera e parë dhe shpresoj e fundit në jetën time, që dëshiroj që Italia të mos fitojë një ndeshje në Kampionatin Europian. Por gjithsesi, mua do më pëlqente më mirë një barazim, i cili për kuqezinjtë tanë do ngjante si një fitore. E di që për “axurrët”, një barazim me Shqipërinë do ishte fillimi i një gjyqi ndaj Spaletit. Por, për fat të keq, Italisë nuk mund t’i uroj asgjë më shumë se një barazim. Duhet t’i frikësoheni supremacisë së qartë të Shqipërisë në tribuna, ku sigurisht fitojmë. Jemi një skuadër që nuk kemi se çfarë të humbim. Mund të përfundojë në çdo rast, por duke qenë se Italia nuk shkëlqen kurrë në fillimin e një turneu, mund të shpresoj në një barazim.”, tha ai. 

Rama u shpreh se kombëtarja aktuale, është me e bukura sa i përket lojës që ka treguar në kualifikuese.  

“Kjo është Kombëtarja shqiptare me lojën më të mirë që mbaj mend. Grupi u kualifikua duke bërë gjithmonë futboll të mirë dhe nganjëherë, një lojë emocionuese. Nuk është vetëm Tirana që mezi po pret me padurim këtë Europian. Në këtë Kombëtare bashkohen me Shqipërinë edhe populli i Kosovës, Maqedonisë së Veriut dhe shqiptarët në të gjitha pjesët e botës. Lojtari jonë i dymbëdhjetë përbëhet nga 10 milionë zemra dhe në Dortmund do të jetë një ortek kuq e zi.”, deklaroi Edi Rama. 

Kryeministri shqiptar, do të jetë në stadiumin “Signal Iduna Park”, për të ndjekur nga afër ndeshjen mes Italise dhe Shqipërisë.





Lajmet e fundit nga