web counter
LEXO PA REKLAMA!

SHKARKO APP

App Store
Google Play

E fundit!

x

Edhe një portugez për Chelsea-n, tri alternativa për pasuesin e Potter

3 Prill 2023, 12:48, Sport CNA

Pas humbjes 0-2 ndaj Aston Villa-s në “Stamford Bridge”, Chelsea i dha fund aventurës me trajnerin Graham Potter. Skuadrën londineze do ta drejtojë Bruno Saltor, i cili punonte si ndihmësi i Potter. Në mediat britanike kanë nisur të qarkullojnë që tani lajmet se kush do ta marrë drejtimin e Chelsea-t.

Julian Nagelsmann është objektivi kryesor i drejtuesve. Trajneri gjerman u shkarkua nga drejtimi i Bayern-it, edhe pse bëri një punë shumë të mirë me kampionët e Gjermanisë. Megjithatë, drejtuesit bavarezë vendosën ta largonin dhe vendin e tij e zuri Thomas Tuchel.

Tani Nagelsmann është i papunë dhe gati për një eksperiencë të re. 35-vjeçari përflitet si alternativë edhe në disa klube të tjera dhe mbetet të shihet me kuriozitet se ku do ta vijojë karrierën.

Alternativa numër dy për Chelsea-n është Mauricio Pochettino. 51-vjeçari qëndron pushim që prej largimit nga PSG-ja dhe një rikthim në Premier League është më se i mundur. Argjentinasi e njeh mjaft mirë kampionatin anglez, pasi ka drejtuar Tottenham-in për më shumë se pesë vite. Por edhe Southampton-in.

Ndërkohë, së fundmi, në shtypin ishullor ka dalë edhe një emër surprizë për stolin e Chelsea-t. Bëhet fjalë për trajnerin e Fulham, Marco Silva, i cili po bën mjaft mirë në sezonin e tij të dytë me klubin londinez.

Aktualisht Fulham ndodhet një pozicion (10) më sipër në renditje sesa Chelsea. Skuadra po shfaqet një kockë e fortë me portugezin në pankinë dhe shpreson të sigurojë një biletë europiane.





Lajmet e fundit nga