web counter
LEXO PA REKLAMA!

SHKARKO APP

App Store
Google Play

E pret një e ardhme e ndritur/ Futbollisti shqiptar debuton në Europa League kundër Ferencvaroshit dhe shpallet “Njeriu i Ndeshjes”

26 Gusht 2022, 12:01, Sport CNA
E pret një e ardhme e ndritur/ Futbollisti shqiptar debuton në Europa
Justin Ferizaj me fanellën e Shamrock

Dje, Shamrock Rovers u eleminua nga Ferencvaroshi për "play off"-in e Europa League. Me skuadrën nga Dublini, sfidën nga minuta e parë e ka nisur edhe Justin Ferizaj.

17 vjeçari shqiptar ishte titullar në këtë duel duke dalë edhe “Njeriu i Ndeshjes”, me të tijtë që nuk ia dolën të shkonin më tej edhe falë humbjes 4-0 në ndeshjen e parë. Trajneri Stephen Bradley bëri disa lëvizje në formacion, duke i besuar djaloshit një fanellë titullari në këtë nivel, edhe pse 17 vjeç.

Kjo nuk është hera e parë që Ferizaj luan me ekipin e parë të Shamrock, teksa ka marrë minuta si zëvendësues. Mbrëmja e djeshme do mbahet mend për mesfushorin, pasi luajti titullar në një ndeshje evropiane.

I dalë nga moshat e Rovers, në majin e këtij viti ai nënshkroi një kontratë profesionisti, duke qenë pjesë e ekipit të parë edhe pse 17 vjeç. Shqiptaro-irlandezi ka zgjedhur të luajë për moshat e Irlandës, duke bërë pjesë te U-20.

Me kontratë deri në nëntorin e 2023, Ferizaj shihet si ndër talentet e radhës që do mbushin arkat e Shamrock pas disa vitesh, duke marrë besimin e trajnerit në ekipin e parë.





Lajmet e fundit nga