LEXO PA REKLAMA!

SHKARKO APP

E bujshme/ "Topi i Artë" pritet t'i jepet Lewandowski-t

15 Maj 2024, 12:01, Sport CNA

E bujshme/ "Topi i Artë" pritet t'i jepet Lewandowski-t

Robert Lewandowski mund të marrë "Topin e Artë", që iu mohua katër vite më parë.

Në vitin 2020, sulmuesi polak ishte pretendenti kryesor për të fituar trofeun më të rëndësishëm personal për një futbollist.

Megjithatë, për shkak të shpërthimit të pandemisë Covid-19, ceremonia për "Topin e Artë" u anulua dhe çmimi nuk u dha për asnjë lojtar.

Por, drejtësia mund të vendoset në vend këtë vit. Sipas raportimeve të fundit nga Spanja, thuhet se "France Football", po mendon t'i japë trofeun Lewandowski-t.

Në vitin 2020, sulmuesi 35-vjeçar fitoi gjithçka me skuadrën e Bayern Munich, duke marrë Bundesligën gjermane, Kupën e Gjermanisë dhe trofeun e Ligës së Kampioneve.

Në nivel personal, Lewandowski shënoi plot 55 gola sezonalë, në 47 ndeshje të luajtura, në atë që ishte viti më i mirë në karrierë.

Këto statistika e bënë sulmuesin polak lojtarin më të mirë për atë sezon dhe nuk kishte dyshime për "Topin e Artë". Me ceremoninë e anuluar, mundësia që Leva të merrte çmimin prestigjioz ra poshtë, me lojtarin që përjetoi një nga zhgënjimet më të mëdha.

Megjithatë, pas katër vitesh ka ende shpresë dhe gjasat janë të mëdha, që Levandovksi, të marrë "Topin e Artë", të mohuar.

Lajmet e fundit nga