web counter
LEXO PA REKLAMA!

SHKARKO APP

App Store
Google Play

E bujshme nga Anglia, klubi londinez do Igli Taren

12 Shkurt 2023, 16:30, Sport CNA

Klubi i Tottenhamit ka vënë në shenjestër drejtorin sportiv të Lazios, Igli Tare, si zëvendësues të mundshëm për Fabio Paraticit. Siç raportohet nga “The Mirror”, Paratici (ish-drejtues i Juventusit) është përjashtuar me 30 muaj nga futbolli italian për përfshirjen e tij në parregullsi të supozuara financiare dhe kontabilitet të rremë te “Zonja e Vjetër).

50-vjeçari italian është aktualisht Drejtor Menaxhues i Futbollit te Tottenham.

“The Mirror” ka pohuar se megjithëse “pezullimi prej dy vitesh e gjysmë i Paraticit vlen vetëm për futbollin italian”, sipas rregulloreve të FIFA-s, “një shoqatë kombëtare mund të aplikojë për të zgjeruar pezullimin edhe jashtë vendit të vet”.

Juventusi thuhet se ka filluar procesin e apelimit kundër vendimit të gjykatës, por nëse bardhezinjtë dështojnë në apelimin e tyre, atëherë ka një shans që Paratici të përballet me një pezullim në mbarë botën.

“The Mirror” ka pohuar Tottenhami po sheh mundësinë e punësimit në vend të Paraticit zbuluesin e talenteve te Benfika, Rui Pedro Braz, nëse italiani pezullohet në të gjithë botën, ndërsa CMË po raporton se klubi i Premier League-s po sheh mundësinë e afrimit të 49-vjeçarit shqiptar, Igli Tare, i cili sapo ka rinovuar kontratën e tij aktuale me Lazion.

Tottenham është i pesti në Premier League për momentin me 39 pikë nga 23 ndeshje, ndërsa Lazio aktualisht gjendet në vendin e gjashtë në Serinë A me 39 pikë në 22 ndeshje.





Lajmet e fundit nga