E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

E bujshme/ Klube turke dhe suedeze vihen në gjurmët e mesfushorit të Tiranës

5 Nëntor 2022, 08:57, Sport CNA

Vesel Limaj është një nga lojtarët më të talentuar dhe më të mirë të Tiranës. Këtë sezon mesfushori i ka vuajtur jo vetëm dëmtimet, por edhe stolin e rezervave. Në fakt edhe Europa nuk ishte fatsjellëse.

Lojtari nuk ia doli të largohej në verë, teksa tani për të janë disa oferta që nuk janë konkretizuar. Lojtari kërkohet në Suedi dhe Turqi nga disa skuadra të këtyre shteteve.

Gjithsesi, në tavolinën e klubit nuk ka ndonjë gjë konkrete. Dihet që Limaj është një nga futbollistët që çmohet shumë prej Orges Shehit dhe në titullin e vjetshëm, ndërsa Tirana mund ta lëshojë vetëm për ndonjë ofertë të madhe në janar.

Bardheblutë gjatë verës bënë një spastrim në ekip duke fituar gati 1 miliard lekë nga shitja e lojtarëve. Tirana, pasi fitoi titullin, humbi kapitenin Hoxhallari me parametra zero, shiti golashënuesin më të mirë, Seferin, edhe gjithashtu Totren e Tolin, dy lojtarë titullarë në triumfin e sezonit të shkuar. Natyrisht, bardheblutë arkëtuan si askush tjetër: 820 mijë euro.

Po, është një shifër e majme, por ama prekën boshtin e skuadrës dhe do të duhet një mrekulli që të përsërisin sezonin e një viti më parë.

Kanë avantazhin që edhe të tjerët kanë pësuar shumë ndryshime, por gjithsesi mbetet një sfidë shumë e vështirë.

Tirana largoi De Silvën që nuk “ndezi” asnjëherë si bardheblu, largoi Majkëll Ngonë që ishte thjesht spektator vitin që shkoi dhe Gent Muçën, shumë pak protagonist në fushë, por i rëndësishëm në dhomat e zhveshjes.

AFRIMET – Tirana ka humbur shumë cilësi dhe kjo as nuk diskutohet. Por nëse ka një ”ngushëllim”, atëherë ai mund të quhet përvoja e lojtarëve që ka afruar. Hasani, Deliu, Patrik, Aleksi, Hila, Husein, Kallaku, Berisha, dhe Iseni kanë të gjithë eksperiencë në kampionatin shqiptar.

E njohin mirë realitetin këtu dhe gjithashtu kanë treguar se mund të përshtaten. Aleksi i dha shenjat që në Europë. Kallaku ka cilësi, por duhet të kthehet ai i dy viteve më parë. Pjesa tjetër është për t’u parë.