web counter
LEXO PA REKLAMA!

SHKARKO APP

App Store
Google Play

E fundit!

x

E ardhmja e Piolit në rrezik, Milani mendon për Enriken

22 Mars 2023, 15:34, Sport CNA

Paraqitjet e Milanit në këto javë të fundit në kampionat kanë lënë jo pak për të dëshiruar dhe sigurisht që doza e pakënaqësisë po fillon të rritet dalëngadalë te kuqezinjtë, aty ku kur të bëhen bilancet, i pari që do të gjykohet do të jetë pa dyshim Stefano Pioli.

Por edhe pse pankina e trajnerit duket ende e sigurt, sondazhet për pasardhësin nuk mungojnë. Gjithçka do të varet nga rezultatet e fundit të sezonit, me kualifikimin në Champions League, që është një kusht i panegociueshëm për kampionët në fuqi të Italisë.

Nëse Pioli dhe të tijtë nuk do të arrijnë të përmbushin këtë mision, 57-vjeçari pritet të jetë i pari që do të bëjë valixhet dhe sipas “La Gazzetta dello Sport” emri që po merr gjithmonë e më shumë përparësi në zyrat kuqezi është ai i Luis Enrikes.

Spanjolli la drejtimin e kombëtares iberike pas Botërorit dhe aktualisht është pa skuadër, por rikthimi në Serinë A është tejet tërheqës për të, sidomos pas eksperiencës së tij te Roma.

Ndërsa flasim për eksperiencën e tij te Roma sponsorët e tij për një aventurë te Milani, vijnë pikërisht nga periudha verdhekuqe.

Ka qenë ish-drejtori sportiv i Romës, Valter Sabatini, që ka propozuar profilin e Luis Enrikes si teknikun e ardhshëm në “Milanelo”, aty ku siç tregoi edhe vetë ai, 52-vjeçari do të gjente një njohje të vjetër po ashtu romane, Frederik Masarën.

“Do të më pëlqente të shikoja Luis Enriken në Itali, është rritur dhe është në nivelin e ekipeve të mëdha. Jam i sigurt që Masara po e konsideron, nëse Pioli largohet, me aq sa e njoh, nuk mund të mos e ketë në mendje Luis Enriken”, u shpreh Sabatini.





Lajmet e fundit nga