web counter
LEXO PA REKLAMA!

SHKARKO APP

App Store
Google Play

E fundit!

x

“Dwamena mund të grumbullohej nga Kombëtarja”/ Zbulohet prapaskena

13 Nëntor 2023, 13:48, Sport CNA

Rapahel Dwamena ndërroi jetë pas përballjes mes Egnatias dhe Partizanit, teksa gjatë ndeshjes futbollisti ra pa ndjenja në tokë dhe më pas u transportua drejt spitalit, atje ku u mbyll para kohe ëndrra e madhe e sulmuesit ganez. Për këtë në "Koha Shtesë" ka folur një gazetar i njohur në Ganë, vendlindjen e Dwamenas, Nuhu Adams.

Gazetari tregon se pasi ka luajtur me disa ekipe në Europë, më pas skuadrat në katër shtete të ndryshme vendosën që ta largonin Dwamenan për shkakun e problemit të tij. “Në vitin 2017 Dwamena ishte gati që të shkonte te Brighton në Premier League, por problemet me zemrën nuk e lanë. Megjithatë ai vazhdoi të luante, pavarësisht se kishte probleme të tilla. Më pas shkoi te Levante, ku doktori i testeve mjekësore e këshilloi që të linte përfundimisht futbollin. Dwamena ishte një person që donte të luante me çdo kusht. Kështu vendosi që të mos dorëhiqet nga futbolli dhe vazhdojë të luajë. Pas Spanjës, u largua në klube të tjera, në Austria 2. Luajti disa ndeshje aty dhe më pas shkoi në Danimarkë, ku e larguan edhe aty për shkak të problemeve të zemrës. Fakti që luajti në Shqipëri e bëri Dwamenan që të ndihej shumë i lumtur. Edhe nga Kombëtarja e Ganës iku për këtë arsye.

Dwamena ka luajtur me Kombëtaren edhe më para. Shënoi dy gola në një ndeshje në Kupën e Afrikës. Ishte një talent shumë premtues. Pasi u zbulua problemi me zemrën, Kombëtarja vendosi ta ruante duke e larguar. Por duke parë formën e tij te Egnatia në Shqipëri dhe nëse Egnatia do të shkonte në grupet e Conference League, Dwamena mund të thirrej edhe njëherë në Kombëtare të paktën për ta parë nëse do të përballonte dot nivelet e larta”, tha gazetari ganez.





Lajmet e fundit nga