web counter
LEXO PA REKLAMA!

SHKARKO APP

App Store
Google Play

Duan ta afrojnë në merkato, Milani ndjek nga afër sulmuesin e Shqipërisë

16 Qershor 2024, 12:55, Sport CNA

Duan ta afrojnë në merkato, Milani ndjek nga afër sulmuesin e

Armando Broja, aktualisht është i fokusuar tek Europiani, aty ku merr pjesë me Shqipërinë, por emri i tij vazhdon të lakohet në merkato.

Për sulmuesin shqiptar, prej kohësh përflitet për një interesim të mundshëm të Milanit. Klubi kuqezi është në kërkim të një sulmuesi për sezonin e ardhshëm dhe në listën e drejtuesve është pikërisht Broja.

Italianët kanë kërkuar informacion për situatën e lojtarit te Chelsea, ndërsa këtë të shtunë kanë bërë edhe një tjetër lëvizje.

Sipas asaj që u raportua nga “Sky Sport”, Milani kishte dërguar skautë në stadiumin e Dortmundit, për ndeshjen mes Shqipërisë dhe Italisë.

Qëllimi ishte për të ndjekur nga afër sulmuesin, që takimin e nisi nga minuta e parë.

Milani dëshiron të nënshkruajë me Brojën pavarësisht nëse vjen apo jo Zirkze, sepse ideja e kuqezinjve është që të kryejnë dy operacione transferimi në sulm kësaj vere.

Sulmuesi 22-vjeçar është në pronësi të Chelsea, ndërsa në sezonin e fundit luajti i huazuar te Fulhami, aty ku hasi vështirësi të mëdha. Trajneri i klubit londinez, e la në stol për shumicën e ndeshjeve, duke bërë që të humbasë edhe formën.

Në merkaton e verës, lojtari do të ndryshojë skuadër dhe pritet të mësohet se ku do të vazhdojë karrierën e tij.





Lajmet e fundit nga