web counter
LEXO PA REKLAMA!

SHKARKO APP

App Store
Google Play

Disiplina dënon Vllazninë e femrave, ja sa duhet të paguajnë në llogarinë e Apolonisë

20 Qershor 2023, 18:08, Sport CNA

Komisioni i Disiplinës në Federatën Shqiptare të Futbollit ka vendosur të gjobisë me 150 mijë lekë skuadrën e Vllaznisë së femrave për dëmet e shkaktuara në ambientet e brendshme të stadiumit “Loni Papuçiu”.

Më tej Disiplina bën me dije se kjo shumë do t’i paguhet klubit të Apolonisë brenda 30 ditëve.

Vendimet e Komisionit të Disiplinës:

Në përfundim të hetimit disiplinor për ngjarjet e ndodhura në ndeshjen midis FK Apolonia Femra kundër KF Vllaznia Femra të datës 13.05.2023 dhe konstatimit dhe vlerësimit të dëmeve të shkaktuara. Në bazë të neneve 10/1/i, 64, 76 e vijues të Komisioni i Disiplinës dhe Etikës pranë FSHF, 

VENDOSI:

KF Vllaznia Femra urdhërohet të dëmshpërblejë dëmet e shkaktuara në ambientet e brendshme të stadiumit “Loni Papuçiu” në masën 150.000 (njëqind e pesëdhjetë mijë) lek.
Shuma e mësipërme, në bazë të nenit 62/1/a, duhet të paguhet në llogarinë e Futboll Klub Apolonia Femra brenda 30 (tridhjetë) ditëve nga data e njoftimit të të dhënave bankare nga Futboll Klub Apolonia Femra.
Në rast dështimi në përmbushjen e detyrimeve të mësipërme në afatin e caktuar, në bazë të nenit 10/1/L, kjo shumë do të mbahet nga të ardhurat e aktiviteteve të FSHF në favor të FK Apolonia Femra.





Lajmet e fundit nga