web counter
LEXO PA REKLAMA!

SHKARKO APP

App Store
Google Play

E fundit!

x

Dinamo dhe Drita mposhten me përmbysje, Egnatia dhe Ballkani pranë kualifikimit

7 Gusht 2025, 23:14, Sport CNA

Dinamo dhe Drita mposhten me përmbysje, Egnatia dhe Ballkani pranë

Katër skuadra shqiptare luajtën ndeshjet e tyre në Europë.

Egnatia barazoi me rezultatin e bardhë 0-0 sfidën e parë ndaj Olimpijas, e vlefshme për raundin e tretë kualifikues të Conference League.

Pjesa e parë ishte e ekuilibruar për të dyja skuadrat, që tentuan disa herë portat përkatëse, por nuk finalizuan dot. Edhe në pjesën e dytë, portat qëndruan të paprekura si nga rrogozhinasit, ashtu edhe nga Olimpija. Sllovenët humbën edhe një penallti në minutën e 68-të, me Tam qe gaboi dhe e çoi topin jashtë.

Egnatia e mbylli ndeshjen me 10 lojtarë, pas ndëshkimit me karton të kuq të Fangaj.

Ndeshja e dytë mes dy ekipeve do të luhet më 14 gusht në ‘Arena Egnatia’.

Dinamo u mposht 2-1 me përmbysje në Kroaci ndaj Hajduk Split.

Dinamovitët kaluan të parët në avantazh me Dejvi Bregun, i cili shënoi një eurogol në minutën e 36-të. Pjesa e parë mbyllet në epërsinë 0-1 për skuadrën e drejtuar nga Ilir Daja.

Vendasit gjejnë golin e barazimit në fillimin e pjesës së dytë, me anë të 17-vjeçarit Durdov. Hajduk përmbysi rezultatin me Bambën në minutën e 64-t. Pavarësisht rasteve, rezultati nuk ndryshoi.

Ndeshja e kthimit mes Dinamo City-t dhe Hajduk Split do të luhet më 14 gusht në stadiumin ‘Air Albania’ në Tiranë.

Ballkani mori një fitore të madhe ndaj Shamrock Rovers në shtëpi, me rezultatin 1-0.

Drita u mposht me përmbysje nga FCSB. Nga 0-2 që kishin avantazh, kampionët e Kosovës u mposhtë 3-2 në turin e tretë të Europa League.





Lajmet e fundit nga