web counter
LEXO PA REKLAMA!

SHKARKO APP

App Store
Google Play

E fundit!

x

Detaje të reja për huliganët e Dinamos/ Të gjithë thanë të njëjtën fjali në pikat kufitare dhe grekët i besuan, pastaj ndodhën trazirat

10 Gusht 2023, 09:18, Sport CNA

Detaje të reja për huliganët e Dinamos/ Të gjithë

Detaje të reja vijnë nga Greqia për përleshjen mes huliganë të Dinamos dhe AEK, pas së cilës pasuan trazira të tifozëve ku humbi jetën një i ri.Është interesante se të gjithë kishin të njëjtën histori, pak a shumë përsëritën të njëjtat fjali dhe policia greke i besoi dhe bëri një gabim të madh që në fillim.

Kroatët u paraqitën në pikat kufitare si turistë që po udhëtojnë në Sivota për pushime dhe më pas arritën të shkonin në Athinë.Që në momentin e parë kur autokolona kroate kaloi në vend, u njoftua policia greke. Për shkak të pranisë së tyre, policia u dha edhe targat. Pas kësaj ata mbërritën në Egnatia, duke përshkuar Greqinë perëndimore dhe u gjendën në Kiata, ku për praninë e tyre u njoftuan edhe oficerët e policisë.

Që andej, me shkopinj dhe thika në duar, hipën në trenat në të cilët kishte shumë njerëz. Ata ndaluan pesë herë para se të zbrisnin më në fund në stacionin Perissos. Më pas policia ka marrë urdhër për “përgjim diskrete”, por kjo nuk ka mjaftuar pasi huliganët kanë arritur të nisin një përplasje që përfundoi me vrasjen e 29-vjeçarit Michalis Katsouris.Mediat greke raportojnë se pas disa lirimeve, numri total i të arrestuarve është aktualisht 104.

Deri më tani janë liruar gjithsej 13 persona, ndërsa për të lënduarit, njëri prej pjesëmarrësve në incident është ende në gjendje kritike për jetën, ndërsa në spital janë tre grekë dhe një shtetas kroat.





Lajmet e fundit nga