E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Deklarata e bujshme e ish-futbollistit: Vllaznia po trukon ndeshjet!

3 Nëntor 2023, 22:46, Sport CNA

Një deklaratë e rëndë e një ish-futbollisti kuqeblu ka tronditur opinionin sportiv në Shkodër. Ish-lojtari i Vllaznisë, Fatmir Lugji, akuzon klubin shkodran për trukime. Sipas tij, institucionet duhet të vihen në lëvizje për të bërë hetime të këtyre luhatjeve të pazakonta të rezultateve të ekipit shkodran.

Duke folur në emisionin “Studio Sport” në “RTSH Shkodra”, Lugji ka lëshuar këtë akuzë të rëndë, teksa insiston se futbolli në Shkodër po luhet paralelisht në fushë dhe në tastierën e kompjuterit.

“Duke parë situatën e Vllaznisë, duke parë edhe ndeshjen e fundit me Erzenin, unë akoma nuk e kam marrë veten kur kam parë stadiumin “Loro Boriçi” në atë gjendje, është e pafalshme që në Shkodër, stadiumi të jetë bosh. Dhe këtë zbrazëti të stadiumit, kush e ka sjellë? E kanë sjellë lojtarët, e kanë sjellë trajnerët, e kanë sjellë presidenti dhe të gjithë ato që merren me Vllazninë, dhe prandaj ka ardhur një moment që tashmë duhet thënë, stop këtyre problemeve. Duhet shikuar mirë, për të bërë një analizë dhe gjithësecili ta mbajë përgjegjësinë, sepse në qoftë se do të vazhdojë kështu, do të kemi një tragjizëm me Vllazninë dhe përsëri do të kalojë në Kategorinë e Parë.

Kush janë problemet kryesore? Unë për mendimin tim, sot e kam menduar dhe kam arritur në përfundim: Me Vllazninë luhet në dy fronte, në fushën e futbollit dhe në tastierë. Këtë duhet ta shikojnë drejtuesit, këtë duhet ta shikojnë institucionet që merren me këtë punë, pse jo edhe institucionet penale që merren me këtë punë, sepse po luhet me ndjenjat e tifozërisë shkodrane.

Me Vllazninë trukohet, sepse nuk ka mundësi, që një ndeshje luhet mirë, tre ndeshje luhet dobët, absolutisht. Kështu që, ky është një mesazh që unë i jap institucioneve që duhet ta shikojnë, është një mesazh që unë i jap drejtuesve që ta shikojnë, sepse ndoshta nuk mund të jetë koka, presidenti, por mund të jenë të tjerë të stafit, mund të jenë edhe një pjesë të lojtarëve.

A e dini, se në qoftë se dy-tre prej lojtarëve bashkëpunojnë për trukim, shkatërrohet loja e një ekipi? Kështu që, nuk ka arsye tjetër që Vllaznia të jetë në këtë situatë”, tha ai.