web counter
LEXO PA REKLAMA!

SHKARKO APP

App Store
Google Play

Debati për Skënderbeun/ Përmeti përplaset me Sinematin: Ju shijon të sulmoni korçarët edhe në këtë situatë

1 Nëntor 2022, 13:04, Sport CNA

Debati për Skënderbeun/ Përmeti përplaset me Sinematin: Ju

Në emisionin “Procesi Sportiv”, është hapur sërish një debat në lidhje me klubin e Skënderbeut. Të përfshirë në debat, ishin opinionisti Gëzim Sinemati, i cili e ka sulmuar shpesh klubin bardhekuq dhe avokati Andi Përmeti.

Ndërsa Sinamati përmendte trukimet, Përmeti iu kthye duke i thënë se ka inate me korçarët, ndërsa shtoi se një grup njerëzish kanë dërguar letra anonime dhe e-maile në UEFA, ku kërkonin dënimin e Skënderbeut.

“Të drejtën për të folur nuk ma jep dot ti! Ndoshta Skënderbeu është në fund, në Kategorinë e Parë. Sot nuk ndikon askund në futbollin shqiptar, përveç një ndeshje me Flamurtarin kush ngjitet. Megjithatë akoma ju shijon ta dëmtoni dhe ta sulmoni Skënderbeun. Jeni një grup njerëzit që e keni sulmuar rregullisht Skënderbeun. Të vetmin ekip shqiptar që ka shkuar dy herë në grupe. Në vend t’i thoni faleminderit atij ekipi që bëri krenar Shqiëprinë, ju e sulmoni. E keni sulmuar me letra anonime, me presione me e-mail dhe të tjera. T’i sjell unë e-mailet e dërguara me emra në emisionin tjetër. Mos e sulmoni më Korçën se është mëkat. Deri te batuta qëndronte, mos e sulmoni më se është mëkat. Është mëkat ndaj qytetarëve dhe ndaj atij ekipi.

Unë vij për qejf se më kanë ftuar, ndoshta ti vjen dhe bën qoka këtu. Ti nuk do qytetin e Korçës, nuk është punë e ekipit”, deklaroi Përmeti. /CNA.al

Debati:





Lajmet e fundit nga