web counter
LEXO PA REKLAMA!

SHKARKO APP

E fundit!

x

Atalanta kualifikohet pas fundit dramatik, Dortmund “bie” në Itali

25 Shkurt 2026, 20:53, Sport CNA

Atalanta kualifikohet pas fundit dramatik, Dortmund “bie” në

Atalanta ka realizuar një përmbysje historike në "Gewiss Stadium", duke siguruar një vend mes 16 më të mirave të Champions League pas një fitoreje spektakolare 4-1 ndaj Borussia Dortmund.

Italianët arritën të përmbysnin disavantazhin 0-2 të ndeshjes së parë në një mbrëmje që do të mbahet mend gjatë.

Sfida nisi me vrull për djemtë e Palladinos, të cilët gjetën rrjetën që në minutën e 5-të me Gianluca Scamacca-n, ndërsa Zappacosta dyfishoi shifrat ende pa u mbyllur pjesa e parë.

Mario Pasalic shënoi golin e tretë që krijoi iluzionin e një kualifikimi të lehtë, por Karim Adeyemi në minutën e 75-të heshti stadiumin, duke barazuar rezultatin e përgjithshëm dhe duke e dërguar ndeshjen drejt shtesës.

Megjithatë, drama u rezervua për minutat e fundit të kohës shtesë. Në minutën e 98-të, një penallti e shkaktuar nga mbrojtja gjermane u shndërrua në gol nga Lazar Samardzic, i cili ekzekutoi saktë duke vulosur kualifikimin e "Deas" dhe duke shpërthyer festën legjitime në Bergamo.





Lajmet e fundit nga