web counter
LEXO PA REKLAMA!

SHKARKO APP

App Store
Google Play

7 Marsi/ Mesazhi i Armand Dukës për lektorët, mësuesit dhe trajnerët

7 Mars 2024, 13:08, Sport CNA
7 Marsi/ Mesazhi i Armand Dukës për lektorët, mësuesit dhe
Kreu i FSHF-së, Armand Duka

Kreu i FSHF-së, Armand Duka, ka dhënë një mesazh urimi në Ditën e Mësuesit.

Ai uron lektorët e Akademive në Federatën Shqiptare të Futbollit, trajnerët e drejtorët sportivë dhe gjithë mësuesit e edukimit fizik në vend.

Duka shpreh vlerësime për punën e palodhur të një armate të madhe mësuesish të angazhuar në ngritjen e Akademive të Futbollit anekënd vendit.

“Në këtë ditë të veçantë nderimi dhe vlerësimi për ata që përçojnë dijen te të rinjtë e fëmijët tanë, dua të uroj në mënyrë të veçantë gjithë lektorët e Akademive tona në Federatën Shqiptare të Futbollit, gjithë trajnerët e drejtorët sportivë e gjithë mësuesit e edukimit fizik në vend. Janë ata nxitës e frymëzues të një kulture të re që duhet të përqafojnë të rinjtë e profesionistët: atë të angazhimit me sportin.

E shohim këtë ditë si një vlerësim gjithashtu për punën e palodhur të një armate të madhe mësuesish të angazhuar në ngritjen e Akademive të Futbollit anekënd vendit.

Jo më pak të rëndësishëm në këtë urim, janë breza të tërë pedagogësh e mësuesish të angazhuar ndër vite në futbollin shqiptar.

GEZUAR DITËN E MËSUESIT dhe mos shteroftë asnjëherë energjia juaj në dobi të zhvillimit të futbollit në vend.”, thekson kreu i FSHF-së./ CNA





Lajmet e fundit nga