web counter
LEXO PA REKLAMA!

SHKARKO APP

E fundit!

x

Vranësira në të gjithë vendin/ Parashikimi i motit, 12 shkurt 2026

12 Shkurt 2026, 07:17, Sociale CNA

Për ditën e enjte vendi ynë do të ndikohet nga kushte atmosferike kryesisht të paqëndrueshme. Moti parashikohet me vranësira mesatare deri të dendura.

Reshjet e shiut priten të jenë prezente të herëpashershme me intensitet të ulët që nga orët e para të 24-orëshit deri në mëngjes, në pjesën më të madhe të territorit, lokalisht në jug reshje në formën e shtrëngatave afatshkurtra.

Gjatë ditës reshjet priten të mbeten prezente të herëpashershme me intensitet të ulët, ndërsa në veriperëndim- perëndimit dhe jug hera-herës reshje shiu me intensitet deri mesatar në formën e shtrëngatave afatshkurtra, kryesisht në orët e pasdites e të mbrëmjes.

Në zonën e Alpeve dhe relievet e larta malore verilindje-juglindje të vendit reshje dëbore me intensitet të ulët, sipas SHMU.

Era do të fryjë me drejtim juglindje-jug me shpejtësi mesatare 5 m/s, përgjatë vijës bregdetare dhe në zonat luginore era me shpejtësi deri në 13 m/s.

Valëzimi në detet Adriatik dhe Jon, i forcës 2-3 ballë.





Lajmet e fundit nga