web counter
LEXO PA REKLAMA!

SHKARKO APP

App Store
Google Play

Si ndikon braktisja te fëmijët

10 Gusht 2024, 13:15, Sociale Lira Gjika
Si ndikon braktisja te fëmijët
Foto ilustruese

Frikën e parë që njeh e konkretizon sapo vjen në jetë njeriu, është braktisja. Foshnja ështe e paaftë të jetojë vetëm. Ajo nuk mund të ushqejë, mirëmbajë e mbrojë veten.

Foshnja çdo gjë e pret nga të rriturit dhe ka nevojë për prezencë, siguri e kujdes të vazhdueshëm.

Pikërisht cilësia e prezencës, sigurisë dhe e kujdesit zhvillon ose jo ndjenjën e braktisjes, pasi fëmija gjithë kohën “teston” marrëdhënien me të rriturin ndaj tij.

Braktisja, nuk është vetëm një mungesë fizike, shkencëtarët e quajnë zhdukja e “autenticitetit emotiv”. Kjo zhdukje, siç e tregon dhe vetë fjala, nuk lejon njeriun të zhvillojë veten e tij personale. Të eksplorojë emocionet, t’i njohë ato dhe t’i zhvillojë nëpërmjet sigurisë dhe kureshtjes.

Braktisja nuk ndodh vetëm kur fëmija mbetet vetëm fizikisht, por edhe kur është në krah të nënës apo zëvendësuesve të saj.

Braktisja ndodh edhe kur e gënjejmë fëmijën, kur e dhunojmë, kur e etiketojmë, e shajmë, e krahasojmë.

Braktisja prek direkt vetëvlerësimin e njeriut. Njeriu i braktisur ndihet i pavlerë dhe mbi të gjitha i keq.

Kur dëgjoni që dikush keqtrajton gruan apo një njeri tjetër apo edhe kafshën, këta individë kanë përjetuar shijen e hidhur të braktisjes.

Mekanizmat automatikë që krijohen nga rritja e keqe e bëjnë njeriun të pandjeshëm, mosbesues apo dyshues, hakmarrës dhe mbi të gjiha të paaftë të shijojë jetën.





Lajmet e fundit nga