web counter
LEXO PA REKLAMA!

SHKARKO APP

App Store
Google Play

OBSH: Të rriten taksat për pijet me sheqer dhe alkoolin, rrezik sëmundjesh

13 Janar 2026, 16:37, Sociale CNA

OBSH: Të rriten taksat për pijet me sheqer dhe alkoolin, rrezik

Organizata Botërore e Shëndetësisë, në raportin e saj më të ri të publikuar këtë të martë, ka kërkuar që qeveritë e botës duhet të rrisin taksat mbi pijet me sheqer dhe alkoolin, për të ulur shkallën në rritje të obezitetit, diabetit, sëmundjeve të zemrës dhe kancerit.

OBSH paralajmëroi se taksat e ulëta që nuk janë në përputhje me inflacionin po i lejojnë këto produkte të mbeten të përballueshme, ndërsa sistemet shëndetësore përpiqen të përballojnë sëmundjet që mund të parandalohen.

OBSH argumenton se tatimet mbi alkoolin dhe pijet e ëmbëlsuara me sheqer janë një nga mjetet më efektive që qeveritë kanë për të ulur konsumin, sepse çmimet më të larta mund të zvogëlojnë, vonojnë ose edhe parandalojnë plotësisht konsumin e alkoolit dhe sheqerit.

"Tatimet shëndetësore janë një nga mjetet më të forta që kemi për të promovuar shëndetin dhe për të parandaluar sëmundjet",-tha Tedros Adhanom Ghebreyesus, drejtori i përgjithshëm i OBSH-së.

Raportet vijnë ndërsa OBSH u kërkon vendeve të rrisin dhe ridizajnojnë taksat si pjesë e iniciativës së saj të re, e cila synon të rrisë çmimet reale të duhanit, alkoolit dhe pijeve me sheqer deri në vitin 2035./CNA





Lajmet e fundit nga