E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Tetë ushqimet më të shëndetshme që duhen ngrënë bashkë

20 Shkurt 2024, 09:18, Shëndeti CNA

Tetë ushqimet më të shëndetshme që duhen

Studime të fundit të cilave u referohet "AgroWeb.org" kanë zbuluar se janë disa ushqime të cilat nëse kombinohen bashkë i japin trupit më shumë vlera.

Gjithçka lidhet me mënyrën se si bashkëveprojnë vlerat ushqyese të secilit prej tyre kur konsumohen njëherësh. Më poshtë do të gjeni listën e plotë që "AgroWeb.org" ju këshillon ta ndiqni për një jetë më e shëndetshme.

Mollët dhe mjedrat, kundër qelizave tumoriale

Një studim i botuar së fundmi te Buletini i Shëndetësisë, vërtetoi faktin se antioksidantët elagjikë që gjenden te mjedrat rrisnin efektet pozitive të kuercetinës që gjendet te mollët. Ky kombinim arrin të eliminojë mundësinë e krijimit të qelizave tumoriale në organizëm. Fruta të tjera ku këto antioksidantë gjenden janë: për antioksidantin elagjik; shega, arrat dhe thanat, ndërsa kuercetina gjendet te rrushi dhe qepa.

Për një zemër më të shëndetshme hikër dhe brokoli

Kur kolesteroli i keq oksidohet, mund të shkaktojë bllokimin e arterieve të zemrës, duke çuar në dëmtimin e saj. Megjithatë antioksidantët ndihmojnë në luftën kundër këtij procesi.

Studiuesit gjermanë arritën në përfundimin se antioksidanti Rutin dhe vitamina C arrijnë të punojnë bashkë për të parandaluar oksidimin e kolesterolit. Ky antioksidant gjendet tek hikëra, me të cilën prodhohen makarona, bukë apo dhe produkte të tjera.

Për energji gjatë ditës bashkoni qiqrat dhe qepët

Sipas një studimi të Shoqatës së Agrikulturës dhe Kimisë Ushqimore, u vu re se përmbajtja e sulfurit që gjendet te qepët dhe preshi mund të ndihmojë organizmin që të përthithë më mirë hekurin dhe zinkun nga produktet bishtajore, përfshi këtu dhe qiqrat.

Prandaj nëse vuani nga anemia, ky kombinim është ai që ju duhet. Për antioksidant që ndihmojnë zemrën bëni bashkë çajin jeshil dhe limonin.
Nuk është një legjendë që personat që pinë një filxhan me çaj jeshil çdo ditë, ulin rrezikun e prekjes nga sëmundjet e zemrës. Sipas një raporti të Universitetit Purdue, nëse ju shtoni dhe pak lëng limoni te çaji juaj, do të keni përfituar përveç shijes dhe një paketë antioksidantësh lehtësisht të përthithshme nga organizmi./AgroWeb.org