E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

8 këshilla për të shmangur shtimin në peshë gjatë sezonit të festave

30 Dhjetor 2022, 22:00, Shëndeti CNA

8 këshilla për të shmangur shtimin në peshë gjatë

Gjatë sezonit të festave të fundvitit njerëzit priren të konsumojnë më tepër ushqim. Ngrënia e ushqimeve të yndyrshme, konsumimi i alkolit, ëmbëlsirat e shumta të përgatitura për mbrëmjen e Vitit të Ri janë faktorët kryesor që ndikojnë në marrjen e kileve.

Më poshtë gjeni disa këshilla si të shmangni shtmin e peshës gjatë këtyre ditëve.

1.Mos shkoni në vaktin e fundvitit të uritur
Çdo vit njerëzit i thonë vetes se duhet "të hanë një drekë të lehtë" (apo edhe pothuajse asgjë) para se të konsumojnë darkën e vitin të ri. Por kjo metodë mund të mos funksionojë për të gjithë! Në fakt, kjo strategji mund t'ju bëjë të hani më tepër. Në mënyrë të veçantë, mungesa e ushqimit në sistemin tuaj në kohën e drekës mund t'ju lërë të frustruar, duke rritur oreksin tuaj deri në atë pikë sa të nxitoni të hani gjithçka në vaktin e shumëpritur. Si rezultat, sigurisht që do të tejkaloni kërkesat tuaja ditore për kalori. Fatmirësisht, nëse hani normalisht, në mënyrë të ekuilibruar, në mëngjes dhe në mesditë (ose një ditë më parë), do të shmangni ngrënien e tepërt. Prandaj, ju këshillojmë të hani një mëngjes dhe drekë të mirë.

2. Rivendosni një dietë të ekuilibruar me vaktet e tjera të javës
Një vakt i vetëm festash mund t'i sigurojë trupit tuaj të gjitha nevojat e tij ditore për kalori dhe zakonisht përfshin mjaft sheqer. Por kjo nuk është arsye për të kufizuar veten nga ngrënia e të gjitha ëmbëlsirave tuaja të preferuara të festave! Për fat të mirë, një dietë e ekuilibruar arrihet në 7 ditë, jo mbi 1 vakt. Pra, ju rekomandojmë të përdorni vaktet e tjera të javës për të ribalancuar dietën tuaj. Konsumoni mish pa yndyrë, perime, drithëra dhe fruta.

3. Hani gjithçka, por në sasi të arsyeshme
Tregohuni të arsyeshëm për sasitë e ushqimit që do të konsumoni. Mos e rimbushni pjatën tuaj tre herë. Merrni kohë për të shijuar ushqimet për të nuhatur aromat. Mos harroni se shijimi i ushqimit është shumë më i rëndësishëm sesa numri i kalorive! Dhe nuk ka të bëjë vetëm me ushqimin! Duhet të ushqehuni me të qeshurat dhe haren që ju rrethon në këto ditë festash.

4. Pijet alkoolike

Alkooli është një kurth i vërtetë i kalorive. Ndaj gjatë pushimeve bëni një zgjedhje strategjike. Zgjidhni mushtin, shampanjën dhe verën, të cilat janë më pak kalorike dhe kufizoni alkoolet e forta si uiski, rumi dhe vodka.

5. Shijoni ushqimin
Para së gjithash, dijeni se stomaku juaj ka nevojë për 20 minuta për të informuar trurin tuaj se është plot. Prandaj është thelbësore të merrni kohë për të përtypur siç duhet ushqimin pasi të ngrënit ngadalë do t'ju ndihmojë të shmangni ngrënien e tepërt. Pasi të keni ngrënë 2-3 kafshata, bëni një pushim të vogël për disa sekonda dhe më pas vijoni me kashatën e rradhës.

6. Qëndroni aktiv
Mënyra më e mirë për të mbajtur peshën tuaj në kontroll është të jeni fizikisht aktiv, edhe gjatë pushimeve. Përfitoni nga ditët e pushimit për të bërë shëtitje vetëm ose me familjen tuaj. Aktiviteti fizik përfshin një gamë të gjerë aktivitetesh përveç sportit, ndaj ne ju sfidojmë të gjeni mënyra krijuese për të qëndruar aktiv. Disa ide të shkëlqyera mund të jenë: ndërtimi i një njeriu prej dëbore, luftime me top bore, vallëzim, këndim, dekorimi i shtëpisë, gatimi, rregullimi i shtëpisë.

7. Pini shumë ujë
Pirja e ujit është thelbësore dhe aq më tepër gjatë vakteve të festave. Pirja e ujit ju lejon të reduktoni konsumimin e alkoolit, të zvogëloni oreksin tuaj dhe të eliminoni toksinat e grumbulluara gjatë vakteve të gjata. Në dimër, ndjesia e etjes është më pak e pranishme, ndaj mos prisni derisa të ndiheni të dehidratuar për të pirë pak ujë! Mundohuni të hidratoheni gjatë gjithë ditës para, gjatë dhe pas vakteve. Nëse keni probleme me pirjen e ujit, pini çaj dhe çajra bimorë, të cilët janë të shkëlqyeshëm për tretjen !

8. Pushimet nuk duhet të zgjasin deri në fund të janarit
Para së gjithash, të hash një darkë të plotë në mbrëmjen e 24, 25 dhe 31 dhjetorit nuk është problem. Trupat tanë janë krejtësisht të aftë të përballojnë këtë sasi. Por ajo që shkakton shtim në peshë është të vazhdosh të ushqehesh si çdo ditë nga Krishtlindjet deri në Vitin e Ri dhe të mbarosh ushqimet e mbetura në janar. Ndaj, përfitoni sa më shumë nga pushimet dhe mos e privoni veten, por ruani zakonet e mira të të ushqyerit./ CNA.al