E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Zvarritjet e Kuvendit/ Çështjet e mbetura pezull në 2023-shin

1 Janar 2024, 09:30, Politikë CNA

Kuvendi u zhyt në kaos dhe flakadanë disa nga çështjet më të nxehta politike që mbetën në hije, siç është rasti i Komisionit të Reformës Zgjedhore, i cili u zvarrit për dy vite. Vota e emigrantëve, çështja e herësit, rekomandimet e OSBE/ODHIR, janë disa prej çështjeve në ngërç, të cilat presin zgjidhje urgjente.

Në sirtarët e Kuvendit mbeti edhe çështja e Avokatit të Popullit. Përpjekjet ndalën që në muajin mars, me përfundimin e dëgjesave të kandidatëve kryesorë. Teksa herë pas here, palët i pasonin topin njëra-tjetrës, viti u mbyll pa e përcaktuar Avokatin e ri të Popullit. Ligji i Lojërave të Fatit po ashtu mbetet për vitit 2024. Ndërsa drafti për Amnistinë Fiskale ka mbetur në fazën e shqyrtimit me grupet e interesit. Që nga vitit 2019, kur u prezantua për herë të parë nga kryeministri Rama, nuk është hedhur asnjë hap konkret për miratim. Një sërë pengesash u shfaqën rrugës, si kritikat e ndërkombëtarëve apo kundërshtimet e opozitës.

Ndërkaq pre e aksionit opozitar ranë edhe pagat për gjyqtarët dhe prokurorët, duke mos mundur të sigurojnë shumicën e votave. Pavarësisht gatishmërisë së Lulzim Bashës, votat e deputetëve që e mbështesin atë nuk mjaftuan.

Megjithatë edhe projektligjet e tjera që janë miratuar me votat e socialistëve nuk janë shoqëruar me një diskutim parlamentar. Shumica e tyre janë votuar në mënyrë të përshpejtuar në seanca mes flakadanësh dhe kaosi, siç ishte edhe Buxheti i Vitit 2024, projektligji për ndryshimit në hartimin e Komisioneve Hetimore. Nisur nga “aksioni opozitar" në Kuvend, mazhoranca ndryshoi rregulloren e Kuvendit me votat e socialistëve, ku rriti masat ndëshkuese ndaj deputetëve që thyejnë rregullat në Kuvend, duke i përjashtuar ata nga 10 ditë, në 60 ditë.

Muajt e fundit, diskutimi në komisionet parlamentare u bë “online”, dhe pa praninë e opozitës, ligjet u miratuan pa diskutim në seancat plenare, nismat e opozitës u rrëzuan së bashku me amendamentet çka e bën punën e parlamentit jo gjithëpërfshirëse./ CNA