web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 2025-ës/ OSBE, thirrje partive politike

6 Qershor 2024, 17:30, Politikë CNA

Teksa zgjedhjet parlamentare të 2025-ës po afrohen, prezenca e OSBE dhe KQZ u janë drejtuar me një thirrje partive politike. Ata u kërkojnë subjekteve politike që të japin kontribut në përmirësimin e standardid të këtij procesi dhe distancimin nga krimet zgjedhore.

Kryetari i Prezencës së OSBE-së në Shqipëri, Michel Tarran ka theksuar se masat e rekomanduara nga ODIHR-i duhen marrë në konsideratë dhe se komunikimi ndërmjet agjencive ligjzbatuese dhe KQZ e institucioneve të tjera duhet të përmirësohet pasi duhet vepruar më shpejt kundër incidenteve të denoncuara gjatë zgjedhjeve.

“U bëj thirrje aktorëve politikë për reformën gjithëpërfshirëse dhe në kohë që t’i lejojnë organet administrative zgjedhore t’i zbatojnë zgjedhjet me sukses. Masat e rekomanduar nga ODIHR dhe që duhen marrë në konsideratë përfshijnë: zbatimi i ligjit duhet të ketë përparësi hetimin administrativ të zgjedhjeve. Si e thoni ju në shqip, hekuri rrihet sa është i nxehtë. Ose një shprehje tjetër drejtësi e vonuar është drejtësi e munguar. Zbatimi i ligjit duhet të sigurojë se individët të përfshirë në blerjen e votës dhe mashtrime të tjerë në zgjedhjet e kaluar të ndiqet penalisht sipas ligjit. Llogaridhënia është thelbësore për të frenuar shkeljet në të ardhmen. Krimi zgjedhore nuk duhet të tolerohet më. Komunikimi ndërmjet agjencive ligj zbatuese dhe KQZ e institucioneve të tjera duhet të përmirësohet duke siguruar veprime të shpejta kundër incidenteve të denoncuara”, u shpreh Tarran.

Nga ana tjetër, kreu i KQZ-së, Ilirian Celibashi si fenomenet më të rënda gjatë proceseve zgjedhore ka veçuar përdorimin e aseteve publike nëfushatë, shit-blerjen e votes dhefinancimet e partive.

“Do doja të sillja në vëmendje se ne mund ti adresojmë këto çështje nëse shmangim çdo lloj retorike. Retorika politike na humbet aftësinë dhe mundësinë për të gjykuar qartë mbi këto problematika dhe nëse nuk e bëjmë këtë do dështojmë. Nga çdo lloj kostumi të lëmë retorikat politike për problematikat e zgjedhjeve. Po përpiqemi të ndërtojmë mekanizma që të rrisnim ndërgjegjësimin jo vetëm të votuesve, por edhe partive politike dhe institucineve të tjera mbi këto çështje. Të ndërtojmë mekanizma reagues të menjëhershëm kur evidentojmë këto problematika”, theksoi Celibashi.

Në zgjedhjet e 2025, rol të veçantë do të ketë edhe SPAK-u, me një plan veprimi më aktiv për shitblerjen e votës./ CNA





Lajmet e fundit nga