web counter
LEXO PA REKLAMA!

SHKARKO APP

E fundit!

x

“U kërcënuam nga Beqaj”/ Zhupa: Garda dhe policia nuk kryen detyrën

14 Nëntor 2024, 17:44, Politikë CNA

“U kërcënuam nga Beqaj”/ Zhupa: Garda dhe policia nuk

Deputetja e PD-së Ina Zhupa akuzoi Gardën e Republikës dhe Policinë e Burgjeve se nuk kryen detyrën në lidhje me situatën e një dite më parë në Kryesinë e Kuvendit në mbledhjen e Komisionit Hetimor për Sterlizimin dhe Checkup-in.

Gjatë një interviste për mediat, Zhupa tha se, ish ministri i Shëndetësisë Ilir Beqaj i kishte kërcënuar.

“Dëshmitarët kyç në Komisionin Hetimor për Shëndetësinë janë Edi Rama dhe Ilir Beqaj. Beqaj qëndroi i lirë në katin e fundit të Kuvendit. Beqaj iu hakërrua deputetëve, Garda dhe Policia e Burgjeve nuk kryen detyrën.

Z Beqaj mori atribute që nuk i takonin, këto privilegje ia ka dhënë Rama e Spiropali. Beqaj hapi derën dhe tha “qepe gojën ti, kush je ti”, iu hakërrua të gjithë deputetëve që ishin në sallë. Beqaj i tha dhe me shenja zotit Spaho që ‘mbylle gojën se ta tregoj unë’.

Kjo nuk është skenë normale. Beqaj duhet të ishte shoqëruar nga Policia e Burgjeve. Ilir Beqaj ishte pa pranga dhe ka hyrë në sallë pa pyetur askënd. Pas kësaj, kam telefonuar komandantin e Gardës dhe Garda erdhi dhe largoi zotërinjtë aty, përsëri pa rregullore, sërish sikur thuhej se Kuvendi është më shumë në shërbimin tonë sesa vendi juaj si deputetë.

Afera që ne po hetojmë ka një gropë financiare 250 milionë euro, që janë para të shqiptarëve”, tha Zhupa./ CNA





Lajmet e fundit nga