web counter
LEXO PA REKLAMA!

SHKARKO APP

App Store
Google Play

E fundit!

x

“Të jemi të vëmendshëm me SHBA-në”/ Mediu: Rama mban pa të drejtë statusin e kryeministrit

10 Shkurt 2026, 10:17, Politikë CNA

“Të jemi të vëmendshëm me SHBA-në”/ Mediu:

Kreu i Partisë Republikane, Fatmir Mediu, tha sot se Edi Rama mban me të padrejtë statusin e kryeministrit, për shkak se ka vjedhur zgjedhjet.

I ftuar në “Syri TV”, Mediu u shpreh se Shqipëria duhet të jetë më e vëmendshme në raportin me Shtetet e Bashkuara të Amerikës, ku Rama mund të zhvillojë takime për shkak të detyrës.

“Tani do të merremi me fjalët e pazarit të njerëzve të Edi Ramës nëpër media apo do të merremi me realitetin? Në qoftë se flasim për realitetin, realiteti është ai që përcillet. Se për të lozur mediatikisht, për të paguar analistë e gazetarë, për të bërë të zezën të bardhë e të bardhën të zezë, domethënë kjo ndodh në Shqipëri. I ka të gjitha burimet dhe kontrollin mbi median Edi Rama.

Kurse qëndrimi i Departamentit Amerikan të Shtetit, Departamentit të Drejtësisë ka qenë i qartë. Luftë kundër korrupsionit, luftë kundër trafiqeve edhe lidhje me kartelet e drogës. Kjo është e përcaktuar në çdo qëndrim të Shteteve të Bashkuara të Amerikës, si kur kanë vajtur autoritete shqiptare në Amerikë, ashtu edhe kur kanë ardhur përfaqësues të Shteteve të Bashkuara këtu. Ky mesazh ka qenë më se i qartë dhe vazhdon të jetë i qartë.

Pra, po ta shikosh në kompleks, qëndrimi i Shteteve të Bashkuara të Amerikës është i prerë në raport me politikën shqiptare. Por ajo që dua të them këtu pa u fshehur është, Shqipëria nuk është qendra e botës për Shtetet e Bashkuara të Amerikës dhe këtu duhet të jemi pak më të vëmendshëm. Domethënë, unë nuk lidhem fare me faktin se kë takoi Rama, si e takoi Ramën. Rama sot është pa të drejtë kryeministri i vendit, për shkak të manipulimit të zgjedhjeve, por prapë ka statusin e kryeministrit të vendit. Dhe në një mënyrë apo në një mënyrë tjetër, do të gjendet një moment ku edhe mund të takohet me Presidentin Trump, sepse ka samite, ka takime të vazhdueshme në të cilat përfaqësohen drejtues të shteteve. Dhe në këtë pikëpamje është gjithmonë një oportunitet për të bërë një foto”,-tha Mediu./CNA

 





Lajmet e fundit nga