web counter
LEXO PA REKLAMA!

SHKARKO APP

App Store
Google Play

E fundit!

x

Spektri politik, në syrin e Besart Xhaferrit/ Kandidati për kreun e FRPD-së zbulon sekretin e fushatës

11 Shtator 2022, 20:32, Politikë CNA
Spektri politik, në syrin e Besart Xhaferrit/ Kandidati për kreun e
Kandidati për kreun e FRPD-së, Besart Xhaferri

Në një intervistë për CNA.al, Besart Xhaferri, ka folur për garën e kreut të FRPD-së dhe arsyet e forta që e bënë atë kandidat në zgjedhje.

Dy shtysat për marrjen e këtij vendimi janë modelet që Xhaferri ka nga partnerët ndërkombëtarë dhe roli i të rinjve si e ardhmja e këtij vendi.

I pyetur nga CNA.al për rivalët në garë, ai nuk preferoi t’i listojë me emra kush është më i miri dhe kush më pak i miri, por deklaroi se të gjithë kanë dhënë kontributet e tyre.

Parë në spektrin e tij, FRPD ka qenë motori i së djathtës, që e vetmja gjë që nuk ka bërë mirë është të qenit një organizatë kaq e mirë, me të rinj që nuk i është vlerësuar puna sa duhet.

Sekreti i fushatës së tij janë të rinjtë, që punojnë për të rinjtë, duke qenë se edhe slogani i tij është #sëbashku.

Gjithashtu, Xhaferri ka ndarë me CNA.al edhe dy shtyllat që i duhen një politikani, që sipas tij janë kapitali njerëzor dhe gjendja gjyqësore e pastër.

Për sa u përket ish-spiunëve në politikë, si u shpreh se kush i ka bërë dëm një personi tjetër, moralisht nuk duhet të jetë aktiv në jetën publike.

Spektri politik, në syrin e Besart Xhaferrit/ Kandidati për kreun e

Në mbyllje të intervistës me gazetaren Brunilda Allkja, kandidati për kreun e FRPD-së shpalosi edhe platformën e tij për të rinjtë, që theksoi se i mungon shpresa dhe po e shohin jetën jashtë kufijve të vendit tonë.

Intervista e plotë:

1. Pse vendosët të garonit për kreun e FRPD-së?

Në fakt unë jam pjesë e FRPD-së prej 7 vitesh dhe gjatë kësaj kohe kam drejtuar Sekretariatin e Marrëdhënieve me Jashtë në këtë organizatë. Unë vendosa që t’i futem garës për drejtimin e FRPD-së për të sjellë modelet më të mira që kam parë dhe mësuar nga partnerët tanë jashtë si Junge Union, si dhe për të treguar që rinia është e ardhmja e këtij vendi dhe duhet të jenë pikërisht këta të rinj që të marrin rolin që iu takon në këtë shoqëri.

2. Cilin nga rivalët vlerësoni më shumë dhe cili është rivali më i dobët?

Të pestë kandidatët e tjerë kanë kontributetet e tyre në FRPD.

Spektri politik, në syrin e Besart Xhaferrit/ Kandidati për kreun e

3. Cili është sekreti i fushatës suaj?

Me të rinjtë, për të rinjtë. #sëbashku është edhe slogani i fushatës sime.

4. Çfarë ka bërë mirë FRPD?

FRPD ka qënë motori i PD-së dhe ka luajtur një rol të rëndësishëm si gjatë opozitës së Lulzim Bashës, por edhe gjatë foltoreve të Sali Berishës. Madje ishte FRPD që inicioi mbledhjen e firmave pas vendimit personal të Lulzim Bashës në dt. 9 shtator të vitit 2021. Dhe më pas dihet se çfarë ndodhi dhe u vërtetua ajo që dihej, se shumica ishin kundër Bashës dhe votëbesuan Berishën në drejtimin e partisë.

5. Çfarë nuk ka bërë mirë FRPD?

Do thoja që s’ka bërë mirë që ka qenë një organizatë kaq e mirë. E them këtë sepse të rinjtë nuk janë vlerësuar aq sa kanë punuar.

6. A i duhen politikës "non grata"-t dhe ish-spiunët?

Politikës i duhen ata që kanë kapital njerëzor dhe gjendje gjyqësore të pastër! Në çdo shoqëri demokratike. Këto janë dy shtyllat për t’u zgjedhur për pozicione në shërbimin publik. Çdo gjë tjetër që nuk cenon konkretisht gjendjen gjyqësore të një individi është thjesht një fushatë marketingu për të cënuar kapitalin njerëzor dhe mbështetjen popullore të tij. Kam përshtypjen se në rastin e Z. Berisha kjo u kthye në bumerang, sepse mbështetja e tij në bazë u rrit edhe më shumë!

Për ish-spiunët, varet nga roli i tyre specifik. Gjermania e ndaloi me ligj punësimin në administratë publike të ish funksionarëve të Stasit, ndërkohë Amerika ka zgjedhur presidentë që kanë qenë drejtorë të CIA-s. Kështu që ngelet për t’u diskutuar. Mendimi im personal është që kush i ka bërë dëm një personi tjetër, moralisht nuk duhet të jetë aktiv në jetën publike.

7. Cili është filmi më i bukur kur ishit fëmijë?

 Braveheart me Mel Gibson

Spektri politik, në syrin e Besart Xhaferrit/ Kandidati për kreun e

8. Çfarë i mungon sot rinisë?

Në fakt çfarë nuk i mungon kësaj rinie me këtë qeveri. Shohim çdo ditë që të rinjtë ikin me gomone për shkak të keq-qeverisjes së Edi Ramës, duke rrezikuar edhe jetën e tyre. Në një vend normal të rinjtë do largoheshin për t'u shkolluar dhe shteti do iu ofronte mundësitë që ata të kontribuonin në vendin e tyre, por në fakt kjo qeveri i ka braktisur të rinjtë. Të rinjve iu mungon shpresa, e cila është vrarë nga kjo qeveri, por edhe nga opozita që nuk ka qenë alternativë konkrete për shërimin e plagëve të shoqërisë. Shpresoj të kontribuoj për ta ndryshuar këtë.

9. Çfarë do t'u sillni ju të rinjve?

Unë kam një platformë për të rinjtë. Platformë të cilën po e shpalos në takimet me të rinjtë në të gjithë Shqipërinë. Edhe me sipër e theksova që rinia do të marrë atë që i takon dhe do të propozohen nisma konkrete për një arsimim sa më të mirë të të rinjve. Arsimi është një nga hallkat më të rëndësishme dhe unë kam disa propozime konkrete për këtë fushë.

10. Cili është mesazhi juaj për të rinjtë sot?

Me besoni në 1 tetor, që të vijojmë sëbashku projektin për rininë shqiptare.

#sëbashku do ia dalim./ Brunilda Allkja - CNA.al





Lajmet e fundit nga