web counter
LEXO PA REKLAMA!

SHKARKO APP

E fundit!

x

Skema e pensioneve/ Blendi Gonxhja: Duhet një zgjidhje afatgjatë

5 Shkurt 2025, 09:24, Politikë CNA

Skema e pensioneve/ Blendi Gonxhja: Duhet një zgjidhje afatgjatë

Ministri me tri portofole, Blendi Gonxhja, në fjalën e tij në Konferencën Ndërkombëtare për sfidat dhe ambiciet e reformës së re të sistemit të pensioneve për Shqipërinë është shprehur se bonuset janë një zgjidhje për pensionistët, por jo e mjaftueshme. Ai ka deklaruar se duhet parë një zgjidhje më afatgjatë për pensionet.

Gonxhe tha se duhet të ndërgjegjësohemi ndaj informalitetit duke e luftuar atë.  

“Kërkon përgjegjësinë e hallkave të shtetit, ekspertëve dhe mbarë shoqërisë. Në 2014 qeveria mori reformën më të thellë të pensioneve, pa atë reformë situata do të kishte shkuar shumë më keq.

Sot falë kësaj reforme dhe luftës ndaj informalitetit dhe digjitalizimit numri i kontribuesve është rritur.

Shqipëria është në momentin më të mirë ekonomik. Bumi i turizmit dhe ndërtimit po e shndërrojnë Shqipërinë në vend tërheqës.

Na shqetëson mosmjaftueshmëria e tyre. Përpjekja për të adresuar mjaftushmërinë e të ardhurave për pensionistët me bonusin më të lartë të fundvitit dhe atë të pranverës, por kjo nuk mund të jetë një zgjidhje, duhet të ketë një zgjidhje më afatgjatë.

Duhet të ndërgjegjësohemi ndaj informalitetit”, tha Blendi Gonxhja./ CNA





Lajmet e fundit nga