web counter
LEXO PA REKLAMA!

SHKARKO APP

App Store
Google Play

E fundit!

x

Shpërthimi i Sherefedin Shehut/ “Rama e ka bërë leckë Kushtetutën, jemi bërë delet e tij”

19 Tetor 2022, 19:48, Politikë CNA
Shpërthimi i Sherefedin Shehut/ “Rama e ka bërë leckë
Ish zëvendësministri i Financave, Sherefedin Shehu

Ish zëvendësministri i Financave, Sherefedin Shehu, ka reaguar ashpër ndaj vendimeve të kryeministrit Rama, duke thënë se në Shqipëri nuk ka ligj, por ka Maliqin e saj , duke iu referuar kryeministrit Edi Rama.

Përmes një reagimi të fortë në rrjetet sociale, Shehu thotë se Rama vendos dhe heq çmime kur t’i teket dhe merr vendime kur t’i teket.

Ish zëvednësminsitri shkruan se, nuk kemi një shtet ligjor, as institucione të pavarura dhe as liri tregu edhe pse këto janë të sanksionuara me Kushtetutë.

Kjo sipas Shehut ndodh sepse Rama e ka bërë Kushtetutën një copë leckë dhe se janë kthyer në delet e kryeministrit.

“Shqipëria nuk ka as Kushtetutë dhe as Ligj. Por ka Maliqin a saj, Ramën. Midis shumë bëmave po kujtoj që Rama me Vendim Qeverie konfiskoi kullat që ju tek atij, krijoi bordin për çmimet e karburanteve dhe sot tha që do të vendosë edhe çmimin e druve të zjarrit.

Më herët pa Vendim Qeverie fare ju tek dhe tha që do të 5-fishoj çmimin e energjisë elektrike për konsumatorët mbi 800 kë/orë në muaj dhe i ashtuquajturi Ent Rregullator e miratoi menjëherë rritjen e çmimit.

Dhe kur pas disa ditësh Ramës ju tek të mos e rrisë cmimin edhe për një muaj ky palo-enti e miratoi menjëherë. Pra ne nuk kemi as shtet ligjor, as institucione të pavarura dhe as liri tregu edhe pse këto janë të sanksionuara me Kushtetutë. Dhe kjo sepse Rama e ka bërë Kushtetutën një copë leckë dhe ne jemi bërë delet e Ramës”, shkruan Sherefedin Shehu./ CNA.al

 





Lajmet e fundit nga