E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Seanca plenare/ Balla-Berishës: Ëndrrat në diell shko thuajua atyre krushqve që të vijnë tani në orën 6

19 Janar 2026, 17:39, Politikë CNA

Seanca plenare/ Balla-Berishës: Ëndrrat në diell shko thuajua

Kryetari i Grupit Parlamentar, Taulant Balla në fjalën e mbajtur në seancën e sotme plenare ka folur për ftesën e ardhur nga Trump për Shqipërinë për të qenë pjesë e “bordit të paqes” si dhe nuk ka lënë pa ironizuar opozitën.

Balla deklaroi se marrja e kësaj ftese është një momnet krenarie në arenën ndërkombëtare për vendin tonë dhe tha se do të vlerësonte nëse ky moment do të respektohej dhe nga PD.

Duke iu referuar deklaratave të opozitës për ftesën e marrë nga Shqipëria, Balla i cilësoi si armata e qyqarëve që vetëm bërtasin.

Duke iu drejtuar Berishës, i cili kishte bllokuar foltoren e Kuvendit, i tha se ëndrrat në diell të shkojë dhe t’ua thotë atyre që e ndjekin pasi me PS ka mbaruar punë.

“Kuvendi mblidhet në një moment krenarie në arenën ndëkrombëtare për Shqipërinë, e cila është ftuar të marrë pjesë në “bordin e paqes”. Trump e ka ftuar personalisht kryeministrin Edi Rama dhe përmes tij Shqipërinë. Do të vlerësoja maksimalisht që PD apo ajo që ka mbetur nga PD ta vlerësojë këtë momnet. Dhe për këto raste me rëndësi të madhe dhe ndaj këtij lajmi të mirë, për emrin e Shqipërisë u ngrit përsëri armata e qyqarëve. Që nga e shtuna në darkë filluan të kërthasin, në fillim thanë s’ka ftesë, pastaj thanë janë vendet anëtare të OKB, pastaj më e bukura ishte se na thanë se ftesa ishte e njëjtë dhe për presidentët e Argjentinës dhe Uruguajit. Nuk është asnjë nga presidentët apo kryeministrat e Ballkanit Perëndimor.

U detyrua dhe trampisti më i madh, Tritan Shehu të shajë Trumpin. Nëse deri javën e ardhshme nuk paraqiteni në komisionin e reformës territoriale ne do të ndryshojmë ligjin.

Ëndrrat në diell shko thuajua atyre krushqve që të vinë nga pas tani në orën 6 dhe qyqarëve që të ndjekin. Me ne ke mbaruar punë”, tha Balla.