web counter
LEXO PA REKLAMA!

SHKARKO APP

App Store
Google Play

E fundit!

x

Sali Berisha-Ramës: Nuk ka forcë në botë që të mbron ty

17 Shtator 2024, 20:47, Politikë CNA

Sali Berisha-Ramës: Nuk ka forcë në botë që të

Kryedemokrati Sali Berisha hodhi akuza të rënda ndaj kryeministrit Edi Rama, ku tha se askush nuk do ta shpëtojë nga gjykimi i popullit shqiptar.

Berisha, në protestën e përnatshme të mbështetësve të tij, e quajti Ramën hajdut.

“Po kush mund të mbrojë ty o hajdut që nuk ke shok në botë? Çfarë mbrojtje kërkon ti nga gjykimi i popullit shqiptar kur firmos bonusin 8 përqind në kundërshtim me ligjet? O hajdut, po si ke fytyrë, më thuaj mua pak, si ke fytyrë t’u kërkosh atyre të të mbrojnë ty? Po çfarë janë ata, bar hanë ata?Po nuk shohin ata mo që shkon dhe ndërton tunelin e Llogarasë që një vend në botë kurrë nuk do ndërtonte një tunel me kosto 65 mijë euro për banor. Por e ndërton vetëm për të vjedhur, për të vjedhur. O hajdut, ke firmosur, keni vendosur bashkë me atë Lubinë e çmendur nga vjedhjet, të merrni 50 milionë euro vetëm me dallimin mes ofertave. Me se të të mbrojnë?”, u shpreh ai.

Gjatë fjalës së tij, Berisha shtoi se Ramën e mbron kreu i SPAK-ut, Altin Dumani, por nuk ka forcë në botë që ta mbrojë nga ndëshkimi i shqiptarëve.

“A je shqiptar? Ti nuk je shqiptar, ti nuk je njeri. Hajnia të ka zhveshur ty nga çdo lloj virtyti. Hajnia të ka shkretuar, nuk të ka mbetur asnjë grimcë njerëzore askund. O hajdut, të mbron Dumani, të mbron banda kriminale e Skapit ty, por nuk ka forcë në botë që të mbrojë nga ndëshkimi i shqiptarëve. Po ti nuk ndalesh kurrë, ti nuk di kurrë të ngopesh. Ti paske qenë njeriu më i pangopur në Europë dhe në historinë e këtij kombi”, deklaroi kreu i PD-së./CNA





Lajmet e fundit nga