Reagimi I LZHK-së për mbetjet toksike, Spahiu: Drejtësia të fillojë hetimet për organizatorët e kësaj tregtie të paligjshme

24 Gusht 2024, 21:00, Politikë CNA

Reagimi I LZHK-së për mbetjet toksike, Spahiu: Drejtësia të

Ekrem Spahia, bashkryetar LZHK-së

Lëvizja për Zhvillim Kombëtar reagon në lidhje me skandalin e mbetjeve toksike. Bashkryetari I saj, Ekrem Spahia nëpërmjet një deklarate për mediat I kërkon organeve të drejtëssisë, që menjëherë të fillojnë hetimet, për të vërtetuar se çfarë mbetjesh toksike kanë qarkulluar në Shqipëri, kush e organizon këtë tregëti të paligjshme dhe deri në ç’masë është i zhytur shteti në këtë aktivitet kriminal.

Deklaratë për mediat:

# Prej disa ditësh, mediat ndërkombëtare kanë raportuar se janë bllokuar nga Tajlanda dhe Kina 816 ton me mbetje toksike të eksportuara nga Shqipëria.

Duke marrë parasysh se ky nuk është një akt klandestinësh pa emër, por një vijimësi klandestine zyrtare e Shqipërisë, që e kanë ekspozuar Shqipërinë si vendin ku mbetjet e rrezikshme industriale ngarkohen e shkarkohen në porte e aeroporte si të ishte tokë pa zot.

Këtë situatë e bën më të rëndë fakti se institucionet shqiptare si: Ministria e Infrastrukturës, Ministria e Mjedisit, Porti i Durrësit, Drejtoria e Doganave, Policia e Shtetit, etj, nuk shprehin asnjë reagim zyrtar për të qënë transparent se kujt i përkasin këto mbetje të rrezikshme dhe si janë nisur nga Shqipëra.

Tregëtia e mbetjeve toksike të paligjshme, veçanërisht në këto përmasa, është e pamundur të realizohet pa dijeninë apo korruptimin e institucioneve shtetërore përgjegjëse. Por edhe sikur të supozohet se shteti nuk kishte dijeni, atëherë përse ekziston shteti? Nga ana tjetër, nëse shteti është i përfshirë në këtë krim të organizuar - kjo është alarmante.

Sikurse është bërë me dije, kjo sasi e bllokuar mbetjesh toksike, në përfundim të hetimeve nga autoritetet përgjegjëse, do të kthehet në territorin shqiptar. Rikthimi i kësaj sasie mbetjesh të rrezikshme, do të krijojë jo vetëm një rrezik për jetën dhe shëndetin e qytetarëve, por do të cënojë rëndë edhe sigurinë kombëtare.

Lëvizja për Zhvillim Kombëtar iu bën thirrje organeve të drejtësisë, që menjëherë të fillojnë hetimet, për të vërtetuar se çfarë mbetjesh toksike kanë qarkulluar në Shqipëri, kush e organizon këtë tregëti të paligjshme dhe deri në ç’masë është i zhytur shteti në këtë aktivitet kriminal.

Shqiptarët nuk mund të pranojnë importin e plehrave se është një shkatërrim për Shqipërinë!

# Pikërisht në kulmin e skandalit në trafikun ndërkombëtar të mbetjeve toksike, Qeveria ka përgatitur projektligjin për importin e plehrave.

Duhet të kujtojmë se gjatë njëzet viteve të fundit, tre nisma të qeverive të ndryshme, që synonin të lejonin importin e mbetjeve, kanë dështuar për shkak të reagimit dhe protestave qytetare.

Lëvizja për Zhvillim Kombëtar ka qëndrimin e saj dhe këmbëngul, që importi i plehrave është shkatërrim për Shqipërinë, prandaj Qeveria ta tërheqë atë, sepse Kuvendi i Shqipërisë nuk mund të votojë një ligj që është kundër jetës dhe shëndetit të shqiptarëve dhe pro mafies se plehrave.

Lëvizja për Zhvillim Kombëtar, inkurajon e mbështet çdo reagim dhe protestë për gjendjen në vend

# Temperatuarat e larta të muajt gusht nuk i kanë penguar qytetarët shqiptarë të protestojnë në sheshe e rrugë për pasigurinë e jetës, për korrupsionin dhe për padrejtësitë: në aksin Thumanë - Kashar banorët e Krujës dhe Fushë Krujës protestojnë se i kanë izoluar; në rrugët e vendit protestohet nga fermerët, të cilët po i falimentojnë; nga qytetarë në rrethe të ndryshme protestojnë për mungësen e ujit; për mbytjen nga plehrat; për zjarret e shumta, etj.

Lëvizja për Zhvillim Kombëtar, inkurajon e mbështet çdo reagim dhe protestë për gjendjen në vend, se shqiptarët janë të harruar prej kësaj qeverie dhe Shqipëria po shpopullohet në mënyrë të frikshme./CNA