web counter
LEXO PA REKLAMA!

SHKARKO APP

App Store
Google Play

E fundit!

x

“Rama po mban peng statutin e PD”/ Këlliçi: Kërkon të vrasë opozitën

15 Dhjetor 2022, 22:47, Politikë CNA
“Rama po mban peng statutin e PD”/ Këlliçi: Kërkon
Deputeti Belind Këlliçi

Deputeti i PD dhe kandidati i opozitës për bashkinë e Tiranës në zgjedhjet e 14 majit, Belind Këlliçi ka hedhur akuza ndaj kryeministrit Edi Rama duke thënë se p9o mban peng vendimin e gjykatës për statutin e PD.

I ftuar në emisionin e Çim Pekës, Këlliçi tha se qëllimi i Ramës është që të vrasë opozitën.

"Ka një rast të papredentë me drejtësinë shqiptare, rastin e çështjes së PD. Unë nuk e di ça mund të presë një gjyqtar dhe si mund të kërkohet më shumnë transparencë me një PD që ka organizuar protesta me mijëra qytetarë, ka bërë Kuvendin më transparent në vend, në stadium, delegatët janë më zë, figurë, ID, emër, mbiemër, PD ka zhvilluar 5-6 procese zgjedhore. Dukshëm me një test elektoral në 6 mars u tregua ku anon shumica dhe baza e PD. Dukshëm në të gjitha proceset e PD, është kurorëzuar me primaret, dihet se ku qëndron e vërteta. Si ka mundësi që vetëm këto gjyqtarë nuk e shohin të vërtetën dhe refuzojnë të bëjnë një akt formal, një regjistrim, vetëm ta japin. Si mundet për një vit të mos merret një vendim që është fakt para çdo qytetari, para syve të të gjithë botës se ku qëndron realiteti. Nëse qenka gabim, apo ka mungesë transparence nga PD, pse nuk jepet një vendim kundër? Po pse bëhet e gjitha kjo? Mbahet pezull vendimi për PD me urdhër dhe porosi të Edi Ramës, ai është përfituesi më i madh. Mbahet pezull për të vrarë opozitën, për t'i shërbyer Edi Ramës. Dhe tregon që Edi Rama e kontrollon sistemin e drejtësisë. Sot institucionet e drejtësisë e kanë thyer besimin e qytetarëve", u shpreh Këlliçi./ CNA.al





Lajmet e fundit nga