web counter
LEXO PA REKLAMA!

SHKARKO APP

App Store
Google Play

Rama: Gati skema e re e pensioneve, fond i veçantë përmes kursimeve të punonjësve

8 Prill 2026, 18:44, Politikë CNA

Kryeministri Edi Rama ishte sot pasdite në kompleksin industrial në Durrës, ku operojnë disa kompani të integruara në transport, riciklim dhe përpunim industrial.

Në fjalën e tij, Rama njoftoi se qeveria është duke përgatitur një skemë të re për pensionet, që sipas tij, do të pasurojë skemën aktuale.

Sipas Ramës, skema e re përfshin edhe një fond të veçantë që do t’u japë mundësim punonjësve që të vendosin qoftë edhe 1 euro nga para e tyre, një formë kursimi që reflekton te pensioni i ardhshëm.

“Jemi duke përgatitur një skemë të re për pensionet që nuk do zëvendësojë por do pasurojë skemën aktuale duke i dhënë mundësi të gjithë punonjësve që duan të kursejnë më shumë për pensionin të vendosin në një fond të veçantë çfarëdolloj përqindje nga paga të cilën shteti do ta shoqërojë me të njëjtën shumë. Nëse dikush do të nxjerrë nga paga 1 euro për ta vendosur çdo muaj në fondin e vete të pensionit që pastaj t’i shtohet pensionit përfundimtar që do marrin , shteti do të shtojë gjithashtu 1 euro dhe kështu do të bëhen dy euro dhe natyrisht kjo do të jetë e kombinuar, shteti për punonjësit e shtetit dhe privati për punonjësit e vet. Kjo do të bëj që fondi për pensionet të marri formë dhe garanton lidhjen mes privatit dhe punonjësit në një afat të gjatë. Shpesh shtrohet pyetja pse nuk ka ndërmarrje apo fabrika, ndërkohë që numri i tyre në vend po rritet dhe ato po zhvillohen me teknologji të avancuar. Këto janë mundësi shumë të mira për të rinjtë që dalin nga shkollat profesionale për t’u punësuar”,- tha Rama./CNA 





Lajmet e fundit nga