E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Përjashtimi i deputetëve të PD-së/ Shehaj akuza Ramës: Duan t’i mbyllin gojën opozitës, po bëjnë lojëra

8 Shkurt 2023, 22:10, Politikë CNA

Përjashtimi i deputetëve të PD-së/ Shehaj akuza Ramës:

Deputeti i Partisë Demokratike, Agron Shehaj tha se debate me kryeministrin Edi Rama në Parlament ishte një e drejtë e opozitës të cilën ajo arriti ta fitonte vetëm me anë të bllokimit të foltores.

Në një intervistë për gazetaren Eni Vasili ai u shpreh se fakti që Edi Rama nuk paraqitet në seancat e thirrura nga opozita për çështjen McGonigal pikërisht për t’i mbyllur gojën opozitës dhe këtë e ka cilësuar si një lojë të Ramës.

“E vërteta është që niveli ka rënë aq poshtë sa po merremi me budallallëqe dhe ky thotë që unë nuk kam firmosur, ai thotë se unë nuk kam firmosur. Balla thotë edhe për mua dhe ai thotë kjo nuk është firma jote. Është mënyrë për të shmangur thelbin dhe gënjejnë. Ata nuk e ndalojnë dot opozitën për të hetuar mbi këtë çështje, këtë skandal, ku kryeministri dyshohet se ka paguar një zyrtar të lartë të FBI-së.

Balla është kryetar i grupit të një mazhorance që është kapur duke tentuar të eliminojë opozitën, ai nuk do dalë të thotë na hetoni se si tentuam që t’iu zhdukim. Këtë do bëjë Taulant Balla, jo pika po presja.

Ne do vazhdojmë të bëjmë opozitë. Na është dashur të bllokojmë foltoren, është një mekanizëm së bashku me protestat dhe gjithçka tjetër për të detyruar mazhorancën të respektojë të drejtat tona. Kryeministri do t’i mbyllë gojën opozitës dhe vazhdon ta bëjë. Është pretekst idiot. Bëjnë lojëra”, u shpreh ai.

Ndër të tjera ai tha që debati dhe e drejta e opozitës për ballafaqim me kryeministrin erdhi vetëm pasi deputetët bllokuan foltoren dhe përjashtimi i tyre është një akt i pakuptimtë.

"Nëse bllokimi i foltores solli pranimin e kërkesës, deputetët pse u përjashtuan nga Parlamenti pasi ata kërkuan të drejtën e tyre. Sepse nëse ata nuk do të kishin të drejtë nuk do u jepej e drejta për të debatuar. Pra është kontradiktore kjo gjë edhe pranojnë kërkesën për debat edhe dënojnë ata që mundësuan plotësimin e kësaj kërkese.

Kryeministri ka tentuat të ekzekutojë opozitën e Shqipërisë dhe këtë gjë e ka bërë nëpërmjet një zyrtari të lartë të FBI-së. Për një gjë të tillë duhet të vijë në parlament, por duhet t’i jepet të drejtë opozitës që të ngrejë një komision hetimor, nëse opozita duhet të ngrihet është pikërisht kur tentohet që ajo të eleminohet", u shpreh Shehaj./ CNA.al