web counter
LEXO PA REKLAMA!

SHKARKO APP

App Store
Google Play

"Përgjegjësinë ta kërkojmë tek organizatorët"/ Kryemadhi: Nuk kam qenë lidere e fushatës së Ilir Metës

29 Maj 2025, 12:44, Politikë CNA

"Përgjegjësinë ta kërkojmë tek

Deputetja Monika Kryemadhi ka folur përpara nisjes së seancës plenare.

Kryemadhi, e cila nuk do të ketë një mandat deputeti në legjistraturën e ardhshme, tha se karrigia e Parlamentit nuk është personale e askujt.

Gjithashtu ajo u pyet nga gazetarët edhe për faktin që ish-bashkëshorti i saj, Ilir Meta, nuk mori një mandat deputeti. Për këtë Kryemadhi tha se ajo nuk ka përgjegjësi pasi nuk ishte drejtuese fushate e Metës, por vetëm një person që kërkonte vota për kreun e PL-së.

Sa u përket përgjegjësve për rezultatin në zgjedhje, Kryemadhi deklaroi se përgjegjësi duhet kërkuar tek organizatorët e zgjedhjeve.

 

“Karrigia e parlamentit nuk është as e Monikës, as e secilit, por është e lëvizshme dhe vazhdon të lëvizë.
Të vetmin arsyetim që kam është që njerëzit ndihen çdo ditë e më të varfër, largohen çdo ditë e më shumë, janë të pakënaqur, por kur vjen puna u dalin votat me shumicë në favor të qeverisë.

Nuk shoh ndonjë përgjegjësi të madhe, unë nuk kam qenë lidere e fushatës së Ilir Metës, kam qenë një nga personat që kërkonte votë për Ilir Metën dhe ajo që dua të them është se s’ka të bëjë fare përgjegjësia e votuesve për atë që ndodh. Unë mendoj që përgjegjësinë më të madhe duhet ta kërkojmë tek organizatorët e zgjedhjeve, te qeveria e cila dihet haptas dhe ju e keni parë dhe tashmë farsën qoftë e votës së emigrantëve dhe qoftë e njerëzve”, tha Kryemadhi.

 

 

 





Lajmet e fundit nga