PD mbledh Këshillin Kombëtar/ Kush ikën dhe kush vjen në drejtim?

2 Qershor 2026, 15:35, Politikë CNA

PD mbledh Këshillin Kombëtar/ Kush ikën dhe kush vjen në

Ditën e shtunë Partia Demokratike zhvilloi Kuvendin Kombëtar, ku zgjodhi dhe Këshillin Kombëtar të kësaj partie.

Përveç të zgjedhurve direktë, Këshilli Kombëtar përbëhet edhe nga kryetarët e degëve, deputetët, dhe disa persona të tjerë në këtë Këshill.

Këshilli Kombëtar pritet të mblidhet së shpejti. Fillimisht informacionet u dhanë që mund të mblidhej këtë fundjavë, pra ditën e shtunë për të bërë zgjedhjet, por ende s'ka një konfirmim zyrtar.

Emrat/ Ja Këshilli Kombëtar i PD-së
31 Maj, 16:37

Këshilli Kombëtar i Partisë Demokratike pritet të mblidhet në selinë e PD-së për të bërë zgjedhjen e Sekretariatit, Nënkryetarëve dhe kryetarit të Këshillit Kombëtar.

Sipas informacioneve zyrtare të konfirmuara nga Partia Demokratike, Sekretari i Përgjithshëm Flamur Noka dhe kryetari i grupit parlamentar që mban dhe postin e nënkryetarit të PD-së, Gazment Bardhi qëndrojnë në detyrë.

Pra, këta do jenë dy emra që ndaj tyre mund të ketë dhe një garë formale pasi në zgjedhje të tilla është shumë e rëndësishme se kë ke përballë, por Flamur Noka duket se ka dhe mbështetjen e kryetarit të PD-së, Berisha.

Gjithashtu dhe Gazment Bardhi në detyrën e tij si kryetar i grupit parlamentar dhe nënkryetar i PD-së.

PD mbledh Këshillin Kombëtar/ Kush ikën dhe kush vjen në

E gjithë struktura tjetër, përfshirë nënkryetarët e partisë, si Luçiano Boçi, Oerd Bylykbashi, Agron Gjekmarkaj pritet të hyjnë në votim dhe disa prej tyre mund edhe të mos konfirmohen në detyrën e nënkryetarit të PD-së.

Kuptohet ripërtëritja e Partisë Demokratike duket se është një strategji ku një pjesë e emrave do lëvizin, do largohen nga detyrat që mbajnë.

Gjithashtu pritet një ristrukturim, një ripërtëritje e plotë e Sekretariatit dhe Departamenteve.

Burime zyrtare nga PD-ja i thanë CNA-së se do ketë lëvizje të mëdha në Departamente dhe Sekretariate dhe një ripërtëritje të plotë, me emra të rinj, me intelektualë, me anëtarë të Këshillit Kombëtar, por dhe me ekspertë të ndryshëm të fushave, të cilët do të jenë personat që do të përgatitin programin e qeverisjes së nesërme dhe strategjitë elektorale të Partisë Demokratike.

Sipas informacioneve zyrtare, shumë shpejt pritet të mblidhet Këshilli Kombëtar, ku do të votohet Sekretariati, Nënkryetarët, kryetari i Këshillit Kombëtar dhe Kryesia.

Mësohet se edhe Kryesia do të ketë një ripërtëritje të emrave, pra do të ketë një garë më të madhe për Kryesinë e Partisë Demokratike, formula e së cilës është e përcaktuar, dhe me përfaqësimin e të rinjve dhe të grave.

Mbledhja e Këshillit Kombëtar pritet që të bëjë një ndryshim të madh emrash nga Kryesia, në Sekretariate, Departamente dhe drejtimin e Partisë Demokratike. Ende nuk ka shifra zyrtare çfarë synohet, por ripërtëritja do të thotë që më shumë se 50% e drejtuesve aktualë të Departamenteve, Sekretariateve dhe Kryesisë të largohen për t'u lënë vendin të zgjedhurve të rinj./ CNA