E fundit!

13:37 Aktualitet

Rekursi në Gjykatën e Lartë/ SPAK triumfon ndaj Veliajt

Sot në Gjykatën e Lartë është zhvilluar seanca për rekursi...

Opozita inekzistente për mazhorancën/ Nikolla voton "me vrap" ligjet në 8 minuta, s'shqetësohet nga tymueset

14 Dhjetor 2023, 10:31, Politikë CNA

Opozita inekzistente për mazhorancën/ Nikolla voton "me

Seanca në Kuvend, 14 dhjetor 2023

Seanca e sotme e Kuvendit ka zgjatur vetëm 8 minuta, e cila u zhvillua mes kaosit, tymit, sherrit dhe ofendimeve. Kryetarja e Kuvendit, Lindita Nikolla, e nisi me vonesë seancën, pasi ishte paralajmëruar që të niste në orën 10:00.

Seanca u nis me vonesë për shkak të tensioneve të krijuara në derë të Kuvendit, ku garda u përplas me deputetët e opozitës. Disa prej deputetëve të opozitës nuk u lejuan të futeshin në sallë për shkak se ishin të përjashtuar. Ndërsa të tjerët iu nënshtruan një kontrolli nga garda.

Gjithsesi, deputetët e opozitës mundën të fusnin në Kuvend tymuese, por kjo nuk i pengoi aspak socialistët që të votonin shpejt e shpejt ligjet.

Një nga ligjet e rëndësishme që kaloi sot Kuvendi ishte ai i ndryshimeve në Rregulloren e Kuvendit, i cili mori 74 vota pro. Ndërkohë, deputetët e opozitës vijuan protestën e tyre, me rënie të tavolinave dhe thirrjet "turp, turp!”.

Theksojmë se të përjashtuar nga seanca e sotme ishin deputetët: Gazment Bardhi, Sali Berisha, Flamur Noka, Edi Paloka, Albana Vokshi, Elda Hoti, Ervin Salianji, Bledion Nallbati, Asllan Dogjani, Lefter Gështenja, Isuf Çelaj, Luan Baçi, Xhelal Mziu.

Ligji për ndryshimet në rregulloren e Kuvendit:

Masa disiplinore "përjashtim nga pjesëmarrja në komisione/në seancë plenare deri në 30 ditë” jepet në rastet:

a) kur deputeti përdor dhunë fizike ndaj deputetëve të tjerë, anëtarëve të Këshillit të Ministrave, punonjësve të shërbimit të seancave apo të gardës së Republikës.

b) kur deputeti përmes veprimeve të dhunshme dëmton pajisjet dhe orenditë e çdo mjet tjetër logjistik në sallën e seancave/mbledhjes.

c) kur deputeti kryen në mënyrë të përsëritur brenda një sesioni parlamentar shkeljet e parashikuara në pikën 1 të këtij neni.

Masa disiplinore “përjashtim nga pjesëmarrja në komisione/në seancë plenare deri në 60 ditë" jepet në rastet:

a) kur deputeti përdor lëndë apo mjete piroteknike, tymuese, bojëra dhe materiale apo mjete të tjera të ngjashme brenda sallës së zhvillimit të punimeve të Kuvendit/mbledhjes së komisionit/brenda mjediseve të Kuvendit;

b) kur deputeti kryen veprime/sjellje që përbëjnë shkeje që konfigurohen si shkelje penale pavarësisht nëse shkelja përben vepër penale sipas Kodit Penal;

c) kur deputeti kryen në mënyrë të përsëritur brenda një sesioni parlamentar shkeljet e parashikuara në pikën 6./CNA