web counter
LEXO PA REKLAMA!

SHKARKO APP

App Store
Google Play

E fundit!

x

Numërimi i votave për 11 majin/ Celibashi, i prerë: Nuk tolerojmë më ndërprerjen e procesit

12 Maj 2025, 19:44, Politikë CNA

Numërimi i votave për 11 majin/ Celibashi, i prerë: Nuk

Komisioneri Shtetëror i Zgjedhjeve, Ilirjan Celibashi zhvilloi një konferencë për mediat, ku u ndal te puna për numërimin e votave nga zgjedhjet parlamentare të 11 majit. Në fjalën e tij, Celibashi theksoi se nuk do të tolerohet më asnjë ndërprerje e procesit të numërimit.

Celibashi tha se ecuria e numërimit është kushtëzuar nga lodhja e numëruesve dhe anëtarëve në KZAZ.

Celibashi kërkoi që partitë politike të marrin masa për të ndryshuar anëtarët e grupeve të numërimit.

“Procesi i numërimit ka shkuar shumë mirë, por sikurse në zgjedhjet e tjera kemi probleme me ecurinë dhe vazhdimësinë normale të këtij procesi. Në pjesën me të madhe kjo ecuri e ngadaltë është kushtëzuar nga lodhja e numëruesve dhe anëtarëve të KZAZ-së. Një pjesë e tyre kanë qenë komsionerë dhe kur ka përfunduar votimi u është dashur të kryejnë edhe detyrën e numëruesit. Partitë të marrin masa për të ndryshuar anëtarët e grupeve të numërimit. Ata e dinë se cilët njerëz kanë të propozuar dhe angazhuar dhe duhet të ndërtojnë një sistem me trune. Nuk mund të lejojmë ndërprerjen e procesit të numërimit të votave",-deklaroi Celibashi./CNA





Lajmet e fundit nga