E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Muçollari: Ndryshimi që sollën 4 orë liri

8 Tetor 2024, 12:56, Politikë CNA

Muçollari: Ndryshimi që sollën 4 orë liri

Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari, ka reaguar në lidhje me protestën e zhvilluar mbrëmjen e djeshme në Tiranë.

Muçollari shkruan në rrjetet sociale se 4 orët e protestës kanë sjellë sot një qytet më të lirë dhe më njerëzor.

Ai deklaron se instrumentet dhe mjetet e represionit të kryeministrit Edi Rama u zhbënë mbrëmë nga trimëria e guximi i demokratëve dhe qytetarëve.

Deklarata e plotë:

Ndryshimi që sollën 4 orë liri

Sot Tirana është një qytet më i lirë, më njerëzor, pas marshimit të mbrëmshëm.

Muçollari: Ndryshimi që sollën 4 orë liri

Koraca e frikës dhe trysnisë që qeveria kishte vendosur dhe mbante të shtypur njerëzit ka rënë mbrëmë, në ato 4 orë përballje të qytetarëve me skalionet e të keqes.

Instumentat dhe mjetet e represionit të Edi Ramës u zhbënë mbrëmë nga trimëria e guximi i demokratëve dhe qytetarëve.

Pjesmarrja ishte masive dhe kjo ishte thyerja e parë e rrethimit, në kushtet kur qeveria ka vënë në lëvizje çdo mjet, propagandë, joshje e dhunë, për të shkurajuar reagimin, ngritjen e zërit.

Muçollari: Ndryshimi që sollën 4 orë liri

Manifestimi dje konfirmoi kursin e drejtë të PD dhe Opozitës, pasi tregoi se kur je i vërtetë dhe i qëndron kauzave, arrin të frymëzosh dhe t’i nxjerrësh qytetaret nga letargjia dhe frika.

Marshimi dje ja doli të ndërkombëtarizonte synimin politik, duke qënë se media të mëdha botërore, shkruajtën, “qeveri teknike” në titujt ku pasqyruan zhvillimet në Tiranë.

Kërkesa për qeveri teknike tanimë e ka fituar të drejtën dhe legjitimitetin, dhe është e paneglizhueshme.

Muçollari: Ndryshimi që sollën 4 orë liri

4 orët e rezistencën e nxorën në pah profilin e Kryeministrit, i cili duket haptazi se ka nevojë të mbrohet me forca speciale të armatosura rëndë para popullit të tij. Kjo për shkak se ka qeverisur keq, është zhytur në korrupsion e krim dhe ka vjedhur votën.

Protesta e djeshme pati dhe simpatinë e njerëzve kudo që e ndoqën dhe u takuan me marshuesit.

Ka kaq vite që ky qytet sundohet e drejtohet nga disa hajdutë, me emra si 5D, nga qeveritarë aferash, ndërsa mbrëmë për 4 orë ishte i lirë, i çliruar nga arroganca e hajdutëria. Suksesi është ngjitës, dhe këto orë, do të behen ditë, javë e muaj./ CNA