web counter
LEXO PA REKLAMA!

SHKARKO APP

App Store
Google Play

E fundit!

x

Meta paralajmëron trazira?/ Detajet që ngrenë dyshime

24 Korrik 2022, 10:21, Politikë CNA
Meta paralajmëron trazira?/ Detajet që ngrenë dyshime
Ilir Meta

Ilir Meta do të dorëzojë ditën e sotme mandatin e presidentit, të cilin e mbajti për 5 vjet.

Gjatë kësaj kohe, Meta ka shënuar një sërë përplasjesh me Edi Ramën, ka kthyer shumë ligje, si dhe do të mbahet mend për shumë bëma në krye të shtetit, nga protesta dhe rreshtimi në krah të opozitës, deri te thirrjet me prerje duarsh dhe sfurqet.

Sot, që në orët e para të mëngjesit, Meta përmes një statusi në "Facebook", teksa ndau një foto me fëmijët e tij, shkruante: “Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë.

Uroj për atdheun dhe kombin tonë më të mirën! Paqe dhe mbarësi për çdo familje shqiptare!

Zoti e bekoftë Shqipërinë”.

Komentet në këtë postim kanë qenë të shumta. Meta nuk ka ngurruar të kthejë edhe përgjigje disa prej ndjekësve të tij, ku disa përgjigje ngrejnë dyshime nëse ai po paralajmëron trazira.

Meta ka shkruar se beteja të forta e presin përpara, ndërsa ka paralajmëruar se nesër nis një agim i ri, që do të rikthejë demokracinë dhe llogaridhënien në vend.

“Beteja të forta kemi përpara. Por a mund të arrish në maja pa bërë edhe pak malore? Malet tona më të larta! Një agim i ri nis nesër që do të rikthejë demokracinë dhe Llogaridhënien”, ka shkruar presidenti Meta.

Ai ka falënderuar qytetarët për mbështetjen, duke mos harruar qytetarët e 2 marsit.

“E ndjeja përkrahjen e të gjithë shqiptarëve të ndershëm. Mirënjohje në veçanti për popullin e 2 marsit për ndërgjegjen e lartë patriotike që tregoi”, shkroi Meta./CNA.al

Meta paralajmëron trazira?/ Detajet që ngrenë dyshime

Meta paralajmëron trazira?/ Detajet që ngrenë dyshime

Meta paralajmëron trazira?/ Detajet që ngrenë dyshime





Lajmet e fundit nga